Մխիթարյանը կերտեց Ինտերի 5:1 հաշվով հաղթանակը

Իտալիայի առաջնության 20-րդ տուրում առաջատար «Ինտերը» հյուրընկալվեց «Մոնցային»։ Սիմոնե Ինձագիի գլխավորած թիմն առավելության հասավ 5:1 հաշվով։

12-րդ րոպեին հանդիպման հաշիվը 11-մետրանոցից բացեց «Ինտերի» կիսապաշտպան Հաքան Չալհանօղլուն։

14-րդ րոպեին Հենրիխ Մխիթարյանը տուգանային հրապարակում փոխանցում կատարեց Ֆեդերիկո Դի Մարկոյին, իսկ նրա սուր փոխանցումը գոլով ավարտեց աշխարհի չեմպիոն Արգենտինայի հավաքականի հարձակվող Լաուտարո Մարտինեսը։

60-րդ րոպեին կրկին Հենրիխ Մխիթարյանի անցումից եւ ֆրանսիացի հարձակվող Մարկուս Տյուրամի գոլային փոխանցումից հետո մրցակցի դարպասը գրավեց Հաքան Չալհանօղլուն։

69-րդ րոպեին դաշտի տերերը կրճատեցին հաշվի տարբերությունը, սակայն 84-րդ րոպեին Լաուտարո Մարտինեսը 11-մետրանոցից խփեց միլանյան թիմի չորրորդ գոլը։

88-րդ րոպեին Հենրիխ Մխիթարյանը սեփական կիսադաշտում կասեցրեց մրցակցի գրոհը, սլացավ առաջ եւ գոլային փոխանցում կատարեց ֆրանսիացի հարձակվող Մարկուս Տյուրամին, որը հաշիվը դարձրեց 5:1 (տեսանյութ):

«Ինտերը» 51 միավորով գլխավորում է մրցաշարային աղյուսակը եւ 5 միավոր առաջ է երկրորդ տեղում գտնվող Թուրինի «Յուվենտուսից», որը մեկ հանդիպում քիչ է անցկացրել։ «Մոնցան» 11-րդն է՝ 25 միավոր։

Այս թեմայով Ադրբեջանը կարծես դեմ չէ, որ Մխիթարյանը խաղա Բաքվում Հենրիխ Մխիթարյանն ընդդեմ Ադրբեջանի չեմպիոնի «Արսենալ»-ը հաղթեց ՊՍԺ-ին. Մխիթարյանը մեկնարկային կազմում էր Մխիթարյանն առաջնությունն ավարտեց վեցերորդ տեղում Հենրիխ Մխիթարյանը ստացել է ամենաբարձր գնահատականը (ֆոտո)