Թբիլիսիում քննարկել են երաժիշտների իրավունքները, աշխատանքային պայմանները և մշակութային քաղաքականության ապագան
Եվրոպայից, Բալկաններից և Կովկասից երաժշտական միությունների, մշակութային կազմակերպությունների ներկայացուցիչներն ու փորձագետները Թբիլիսիում քննարկել են երաժիշտների իրավունքները, աշխատանքային պայմանները և մշակութային քաղաքականության ապագան։
Երաժիշտների միջազգային ֆեդերացիայի` FIM- ի տարածաշրջանային հանդիպմանը մասնակցել է նաեւ Հայաստանը։ Սա կարեւոր էր, քանի որ առաջին անգամ է Հայաստանի ժամանակակից երաժշտական էկոհամակարգը ներկայացվել միջազգային մասնագիտական նման հարթակում։ Այցը համակարգել է hosq մշակութային հիմնադրամը, իսկ կազմակերպիչների և հայկական երաժշտական համայնքի միջև որպես կապող օղակ հանդես է եկել Արվեստի ջատագովման միությունը։
Հանդիպմանը մասնակցել են Եվրոպայի տարբեր երկրների առաջատար երաժշտական միությունների և կազմակերպությունների ներկայացուցիչներ, այդ թվում՝ Իսլանդիայից, Գերմանիայից, Ֆրանսիայից, Շվեդիայից, Միացյալ Թագավորությունից, Սերբիայից, Թուրքիայից, Հունաստանից, Շվեյցարիայից և այլ երկրներից։
«Ազգային զեկույցներ» նիստի շրջանակում hosq հիմնադրամի ներկայացուցիչ Լուսինե Մլքե-Գալստյանը ներկայացրել է Հայաստանի ժամանակակից երաժշտական էկոհամակարգի կառուցվածքը, զարգացման միտումները և առկա մարտահրավերները։ Ներկայացման ընթացքում ընդգծվել են ոլորտի մի շարք համակարգային խնդիրներ. համատեղ բանակցությունների մեխանիզմների բացակայությունը, սոցիալական պաշտպանության սահմանափակ գործիքակազմը, եվրոպական չափանիշներին դամապատասխան իրավական դաշտի պակասը, ինչպես նաև ոլորտի և պետական կառույցների միջև երկխոսության թույլ մշակույթը։
Միևնույն ժամանակ, նշվել է, որ այս պայմաններում հայկական երաժշտական համայնքը զարգանում է ինքնակազմակերպված նախաձեռնությունների, միջազգային համագործակցությունների և համայնքային հարթակների միջոցով՝ ձևավորելով նորարար և ճկուն միջավայր։
Հայաստանի ներկայացումը մեծ հետաքրքրություն է առաջացրել միջազգային գործընկերների շրջանում։ Մասնակիցները բարձր են գնահատել հայկական ստեղծարար համայնքի դիմակայունությունն ու նախաձեռնողականությունը՝ ընդգծելով համագործակցության, փորձի փոխանակման և ապագա համատեղ ծրագրերի ներուժը։
Հանդիպման ընթացքում նաև ձևավորվել են նոր կապեր եվրոպական մասնագիտական ցանցերի հետ, ինչը կարող է նպաստել Հայաստանի և միջազգային գործընկերների միջև համագործակցության խորացմանը՝ հատկապես երաժիշտների ներկայացվածության, քաղաքականության հետազոտության, հեղինակային իրավունքի և կրթական ծրագրերի ոլորտներում։
Հայկական պատվիրակությունը նաև հրավեր է ստացել մասնակցելու FIM տարածաշրջանային ցանցի հաջորդ հանդիպմանը, որը նախատեսվում է անցկացնել 2026 թվականի նոյեմբերին Սոֆիայում։
Մենք միանգամայն արժանիորեն դուրս եկանք հաջորդ փուլ
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
Աբու Դաբին կունենա համաշխարհային արվեստի նոր կենտրոն
Մահացել է աշխարհի չեմպիոն և «Միլանի» լեգենդ Ֆրանկո Բարեզին
Ուրումչիի մշակութային ուղին. Գրանդ բազար
Սթիվ Ուիթքոֆն ու Ջարեդ Քուշները առաջիկա օրերին կայցելեն Ուկրաինա
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Սինգապուրի վարչապետը շնվորհավորել է Փաշինյանին
BP-ն վաճառում է Հյուսիսային ծովում իր բիզնեսը և դուրս գալիս տարածաշրջանից
ՏԿԵ և պաշտպանության նախարարները Լոռի բերդ համայնքում ծանոթացել են պետություն-մասնավոր համաֆինանսավոր...