Արաբական Միացյալ Էմիրությունները քննարկում է երկրի տարածքում գտնվող իրանական ակտիվները սառեցնելու հնարավորությունը, հայտնում է The Wall Street Journal թերթը՝ հղում անելով աղբյուրներին, որոնք ծանոթ են քննարկումների ընթացքին։ WSJ հաղորդում է, որ եթե ԱՄԷ-ն գնա նման քայլի, ապա Իրանի՝ օտարերկրյա արտարժույթի շուկա եւ միջազգային առեւտրային ցանցեր մտնելու հնարավորությունը զգալիորեն կսահմանափակվի։ Էմիրությունների ներկայացուցիչները մասնավոր կարգով արդեն տեղեկացրել են Իրանին, որ նման միջոցներ կարող են կիրառվել, նշում են թերթի աղբյուրները աղբյուրները։
Այս ֆոնին հետաքրքիր է, որ առանձին հայտարարությամբ է հանդես եկել ԱՄԷ Կենտրոնական բանկի կառավարիչ Խալիդ Մուհամմադ Բալաման։ Հայաստանում ԱՄԷ դեսպանության՝ Հանրային ռադիոյի տրամադրած հաղորդագրության համաձայն՝ նա նշել է, որ ԱՄԷ բանկային և ֆինանսական ոլորտը շարունակում է ցուցաբերել ամենաբարձր մակարդակի դիմադրողականություն և կայունություն, երկրի բանկերը, ֆինանսական հաստատությունները և ապահովագրական ընկերությունները գործում են բնականոն ռեժիմով և շարունակում են արդյունավետ ու անխափան կերպով մատուցել իրենց ծառայությունները հաճախորդներին և հանրությանը։
«Չնայած տարածաշրջանում այս ժամանակահատվածում տեղի ունեցած հաջորդական աշխարհաքաղաքական զարգացումներին՝ Կենտրոնական բանկը, ինչպես նաև ԱՄԷ բանկային ու ֆինանսական ոլորտը մշտապես ցուցաբերել են դիմակայունության, հարմարվողականության և կայուն աճ ապահովելու բարձր կարողություն»,- ասված է հայտարարության մեջ։
Ըստ ԱՄԷ ԿԲ ղեկավարի՝ երկրի բանկային և ֆինանսական ոլորտը շարունակում է պահպանել կապիտալի բավարարության և իրացվելիության շատ բարձր մակարդակ։ «Մեր վերահսկողական և կարգավորող լիազորությունների շրջանակում մենք մշտապես վերահսկում ենք ֆինանսական կայունության և իրացվելիության հիմնական ցուցանիշները բանկային և ֆինանսական ոլորտում։ Մենք նաև պարբերաբար իրականացնում ենք գնահատումներ և սթրես-թեստավորման գործընթացներ՝ ապահովելու ֆինանսական համակարգի շարունակական կայունությունն ու դիմակայունությունը»,- ասել է Մուհամմադ Բալաման։


















































Հունիսի 7-ը Մեր 2-րդ Անկախության Հանրաքվեն Է
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Մենք գլուխ ենք խոնարհում զոհերի հիշատակի առջև և մեր համերաշխությունն ենք հայտնում հայ ժողովրդին. Չեխ...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Հեռուստատեսային ալիքների հեռարձակումը ժամանակավորապես կդադարեցվի
Միջադեպը բացարձակապես կապ չունի հանրային տրանսպորտի վարորդի կամ վճարման համակարգի հետ