ՀՀ ժողովրդական արտիստ, Երևանի Կամերային թատրոնի հիմնադիր և գեղարվեստական ղեկավար Արա Երնջակյանն այսօր նշում է ծննդյան 75-ամյակը:
Արա Երնջակյանը ծնվել է 1951 թվականին Երևանում։ 1974 թվականին ավարտել է Երևանի ճարտարագիտական համալսարանի տեխնիկական կիբեռնետիկայի ֆակուլտետը, իսկ 1982 թվականին՝ Երևանի գեղարվեստաթատերական ինստիտուտը՝ ստանալով ռեժիսորի որակավորում։ 1971-1972 թվականներին Երնջակյանի հիմնած ՈՒՀԱ-ի (Ուրախների և հնարամիտների ակումբ) թիմն առաջին անգամ ներկայացրել է Հայաստանը Մոսկվայում՝ մասնակցելով ՈՒՀԱ-ի համախորհրդային երկրների խաղերին։ 1982 թվականին նա հիմնել է Երևանի կամերային թատրոնը և հանդիսանում է նրա գեղարվեստական ղեկավարը մինչ օրս։
Երնջակյանն ավելի քան քսան պիեսի, հինգ կինոսցենարի, մի շարք գիտական աշխատանքների հեղինակ է, որոնց մի մասն ընդգրկվել է նրա ստեղծագործությունների չորսհատորյակում։ Նա բեմադրել է ավելի քան հիսուն ներկայացում, տասնյակ մեծածավալ միջոցառումներ, նկարահանել է 2 լիամետրաժ ֆիլմ։
Երնջակյանն առաջին անգամ Հայաստանում կազմակերպել է նաև «Միսս Հայաստան» գեղեցկության ազգային մրցույթը, հիմնել է «Երկաթ TV Փրոդաքշն» հեռուստաընկերությունը։
Արա Երնջակյան արվեստագետի անունը վաղուց արդեն դասվում է հայ ժամանակակից թատրոնի երախտավորների շարքին։ Նրա հիմնադրած Երևանի կամերային պետական թատրոնը դարձել է յուրահատուկ ստեղծագործական միջավայր, որտեղ առանցքային են նորարարական մտածողությունն ու համարձակ արտահայտչամիջոցները: Որպես դրամատուրգ և ռեժիսոր՝ նա ձևավորել է բեմական մշակույթի նոր որակ, ստեղծել հիշվող կերպարներ և ներկայացումներ, որոնք տարիներ շարունակ սիրով ընդունվում են հանդիսատեսի կողմից։ Արա Երնջակյանի գործունեությունը մեծապես նպաստել է հայ ժամանակակից թատրոնի զարգացմանն ու արդիականացմանը՝ աջակցելով բազմաթիվ երիտասարդ արվեստագետների։
ԿԳՄՍ նախարարությունը շնորհավորում է Արա Երնջակյանին հոբելյանի առթիվ, մաղթում ստեղծագործական նոր ոգեշնչումներ, քաջառողջություն և հանդիսատեսի շարունակվող ծափահարություններ:
Տպավորիչ «արյունոտ Լուսին». 2026 թվականի մարտի 3-ին սպասվում է Լուսնի լիակատար խավարում
Ովքե՞ր եք դուք. Սպերցյանը պատմել է տրանսֆերային պատուհանի վերջին օրվա տարօրինակ զանգի մասին
ՀՀ պաշտպանության նախարարը Իրանի ԶՈՒ ԳՇ պետի հետ քննարկել է տարածաշրջանային անվտանգությանը վերաբերող ...
Շիրակի մարզի քրեական ոստիկանները թմրամիջոցի ապօրինի շրջանառության դեպքեր են բացահայտել
Կա վտանգ՝ մսխեն մեր տղերքի թափած արյան վրա ստեղծված խաղաղությունը․ վե՛րջ տվեք մանկական խաղերին
Ծովազարդի դպրոցում 14-ամյա տղան հարվածել է համադասարանցու դեմքին՝ կոտրելով քիթը
Չորս ոստիկան ազատվել է աշխատանքից (տեսանյութ)
ՀՀ պաշտպանության նախարարը հանդիպել է Իրանի նախագահի հետ
Եղանակը հանրապետության տարածքում եւ Երեւանում առաջիկա օրերին
Սոչիի նկատմամբ ռուս զբոսաշրջիկների պահանջարկը նվազել է