Գարեգին Երկրորդ Կաթողիկոսի եղբոր և եղբորորդու խափանման միջոցը փոխվել է

ՀՀ Արմավիրի մարզի ընդհանուր իրավասության առաջին ատյանի դատարանը Ամենայն Հայոց կաթողիկոս Գարեգին Բ-ի եղբոր՝ Գևորգ Ներսիսյանի և եղբորորդու՝ Համբարձում Ներսիսյանի նկատմամբ կիրառված կալանքը փոխարինել է այլընտրանքային խափանման միջոցներով։ «Կիրառվել է համակցված խափանման միջոց՝ բացակայելու արգելք, 3 ամիս տնային կալանք և 1 մլն դրամ գրավ»,- 1lurer.am-ին հայտնել է Քրեական դատարանների խոսնակ Լիանա Ռաֆայելյանը:

Ամենայն հայոց կաթողիկոսի եղբայրը` Գևորգ Ներսիսյանն ու նրա որդին` Համբարձում Ներսիսյանը, ձերբակալվել են նոյեմբերի 2-ին: Նրանց մեղադրում են խուլիգանության և քարոզչությունը խոչընդոտելու մեջ։ Կաթողիկոսի եղբայրն ու եղբորորդին կալանավորվել են նոյեմբերի 3-ին։ Նոյեմբերի 29-ին նրանց կալանքը երկարաձգվել է 3 ամսով։