Զբոսաշրջային գործունեություն ծավալող բոլոր սուբյեկտները պետք է գրանցվեն և հայտարարեն իրենց գործունեության մասին
Հայաստանում զբոսաշրջային գործունեություն ծավալող բոլոր սուբյեկտներն այսուհետ Զբոսաշրջության կոմիտեի համակարգում պետք է գրանցվեն և հայտարարեն իրենց գործունեության մասին․ ներկայացված փաստաթղթերի ստուգումից հետո այդ սուբյեկտները կստանան համապատասխան գործունեություն իրականացնելու հավաստագիր։ «Արմենպրես»-ի հաղորդմամբ՝ համապատասխան նախագիծը հավանության արժանացավ ՀՀ կառավարության փետրվարի 12-ի նիստում։
Հարցի զեկուցող, ՀՀ էկոնոմիկայի նախարար Գևորգ Պապոյանն իր խոսքում նշեց, որ ներկայացվող նախագիծը բխում է ինչպես արտերկրից Հայաստան այցելող, այնպես էլ երկրի ներքին զբոսաշրջիկների շահերից։ Նախարարի բնորոշմամբ՝ այն բխում է նաև զբոսաշրջային գործունեություն ծավալող սուբյեկտների իրավունքների պաշտպանության և նրանց համար միասնական «խաղի կանոններ» սահմանելու տրամաբանությունից։
Պապոյանը շեշտեց, որ այս գործիքն ամբողջովին իրականացվելու է թվայնացված եղանակով, ինչը համահունչ է ՀՀ կառավարության քաղաքականությանը։ «Մինչև այս նախագծի ընդունելը կառավարության կողմից արդեն իսկ պատրաստվել է համապատասխան կայք, որն ինտեգրված է Էկոնոմիկայի նախարարության զբոսաշրջության կոմիտեի համակարգում, և այս կայքի միջոցով զբոսաշրջային գործունեություն իրականացնող բոլոր սուբյեկտները գրանցվելու են և հայտարարելու են իրենց գործունեության մասին։ Նմանատիպ գործունեություն ծավալելու իրավունք կունենան միայն այն սուբյեկտները, որոնք դրա մասին կհայտնեն»,-ընդգծեց Էկոնոմիկայի նախարարը։
Վերջինիս խոսքով՝ գրանցվելուց հետո այդ սուբյեկտների ներկայացրած փաստաթղթերը կստուգվեն, ինչից հետո նրանց կտրամադրվեն հավաստագրեր, որպեսզի նրանք կարողանան գործունեություն ծավալել։ Պապոյանի դիտարկմամբ՝ այս ամենը կնպաստի այդ ընկերությունների կողմից թափանցիկ գործունեության ծավալմանը։
Հայաստանի Հանրապետության վարչապետ Նիկոլ Փաշինյանն իր դիտարկումները ներկայացրեց՝ շեշտելով, որ սույն որոշումը կապված է առաջին հերթին դեպի Հայաստան զբոսաշրջիկների հոսքի, ներքին զբոսաշրջության ծավալների աճի, ինչպես նաև այն հանագամանքի հետ, որ հասարակությունն ավելի ու ավելի հաճախ է սկսել զբոսաշրջային ընկերությունների ծառայություններ ձեռք բերել առցանց եղանակով։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Կասեցվել է «Պանիր Լոռի» և «Կաթի սեր» արտադրատեսակների արտադրությունը