ՔՊ-ական Կոնջորյանի առանձնատան մասով ստուգումներ են
«Ժողովուրդ» օրաթերթը գրում է. «ՀՀ ԱԺ «Քաղաքացիական պայմանագիր» խմբակցության ղեկավար Հայկ Կոնջորյանի կողմից ձեռք բերված անշարժ գույքի հետ կապված տեղեկությունները պաշտոնապես հաստատվել են։ «Ժողովուրդ» օրաթերթի գրավոր հարցմանն ի պատասխան՝ Հակակոռուպցիոն կոմիտեն հայտնել է, որ տվյալ գործարքի առնչությամբ իրականացվում են ստուգողական գործողություններ։
Հանրային բարձր հետաքրքրություն ներկայացնող տեղեկությունների հիման վրա մենք գրավոր հարցում էինք ուղարկել ՀՀ Հակակոռուպցիոն կոմիտեի նախագահ Արթուր Նահապետյանին՝ խնդրելով պարզաբանել ՔՊ խմբակցության ղեկավար Հայկ Կոնջորյանի կողմից ձեռք բերված անշարժ գույքի վերաբերյալ շրջանառվող տեղեկությունները։
Խոսքը վերաբերում է Կոտայքի մարզի Աբովյան համայնքի Առինջ Բ թաղամասի 7/19 հասցեում գտնվող առանձնատանը, որի շուրջ, մեր տեղեկություններով, իրականացվել կամ իրականացվում էին օպերատիվ կամ ուսումնասիրական բնույթի գործողություններ։
Հաշվի առնելով Հայկ Կոնջորյանի՝ որպես բարձրաստիճան պաշտոնատար անձի կարգավիճակը, ինչպես նաև գործարքի շուրջ առկա փոխկապակցված անձանց վերաբերյալ տեղեկությունները՝ հարցման մեջ մասնավորապես հետաքրքրվել էինք՝
• արդյոք Հակակոռուպցիոն կոմիտեում առկա են որևէ նյութեր կամ վարույթներ տվյալ անշարժ գույքի ձեռքբերման վերաբերյալ,
• ինչ շրջանակում են իրականացվել կամ իրականացվում հնարավոր գործողությունները,
• ստուգվե՞լ են արդյոք գործարքի հնարավոր կապերը փոխկապակցված անձանց կամ ընկերությունների հետ, ինչպես նաև շահերի բախման հանգամանքները։
Ի պատասխան մեր հարցման՝ ՀՀ Հակակոռուպցիոն կոմիտեն պաշտոնապես հայտնել է․
«ՔՊ խմբակցության ղեկավար Հայկ Կոնջորյանի կողմից ձեռք բերված անշարժ գույքի առնչությամբ ՀՀ Հակակոռուպցիոն կոմիտեի օպերատիվ-հետախուզական առաջին վարչությունում իրականացվում են ստուգողական գործողություններ»։
Այսպիսով, հակակոռուպցիոն մարմինը հաստատում է, որ Հայկ Կոնջորյանի կողմից ձեռք բերված անշարժ գույքի վերաբերյալ ներկայումս իրականացվում են ստուգումներ։
Միևնույն ժամանակ, կոմիտեն չի մանրամասնել ստուգողական գործողությունների բովանդակությունը, դրանց շրջանակը կամ հնարավոր արդյունքները, ինչը պայմանավորված կարող է լինել օպերատիվ-հետախուզական գործունեության գաղտնիության պահանջներով»։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Կասեցվել է «Պանիր Լոռի» և «Կաթի սեր» արտադրատեսակների արտադրությունը