Ռուսաստանում սև մետաղների ջարդոնի մատակարարումները նվազել են մոտ մեկ երրորդով
Ռուսաստանում 2025 թվականին սև մետաղների ջարդոնի մատակարարումները նվազել են մոտ մեկ երրորդով՝ հասնելով 7,5 միլիոն տոննայի։ «Կոմերսանտ»-ի փոխանցմամբ՝ վարկանիշային «Ռուսմետ» գործակալության տվյալները ցույց են տալիս, որ անկումը պայմանավորված է մետալուրգիական ոլորտում շարունակվող ճգնաժամով և արտադրանքի պահանջարկի նվազումով։
Ամենախորը անկումը գրանցվել է երկրի կենտրոնական հատվածում, որտեղ մետաղի մատակարարումները կրճատվել են 43 տոկոսով՝ կազմելով 2,07 միլիոն տոննա։ Ուրալում ցուցանիշը նվազել է 30 տոկոսով, Սիբիրում և Հեռավոր Արևելքում՝ 28 տոկոսով, իսկ Ռուսաստանի հարավում՝ 23 տոկոսով։ Սև մետաղների ջարդոնը հիմնական նախատեսված է էլեկտրապողպատի արտադրության համար, որը կազմում է Ռուսաստանում արտադրվող ամբողջ պողպատի մոտ մեկ երրորդը։
Վերլուծաբանները չեն ակնկալում շուկայի վերականգնում նաև ընթացիկ տարում և կանխատեսում են մետաղի ջարդոնի հավաքման ևս 7 տոկոս անկում։ Նշվում է, որ շուկան բախվում է նաև վճարումների հետաձգման խնդրին․ սպառողների կողմից ջարդոնի դիմաց վճարման ժամկետները հաճախ գերազանցում են երեք ամիսը։ Մասնագետների կարծիքով՝ 2026 թվականը կարող է դառնալ շուկայի կայունացման տարի միայն այն դեպքում, եթե մետալուրգիական ոլորտը դուրս գա ճգնաժամից և նվազի հիմնական տոկոսադրույքը, ինչն այս տարի քիչ հավանական է։
Մենք միանգամայն արժանիորեն դուրս եկանք հաջորդ փուլ
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Մահացել է աշխարհի չեմպիոն և «Միլանի» լեգենդ Ֆրանկո Բարեզին
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
Սթիվ Ուիթքոֆն ու Ջարեդ Քուշները առաջիկա օրերին կայցելեն Ուկրաինա
Ուրումչիի մշակութային ուղին. Գրանդ բազար
Քրիստիան Ռոմերոն պահանջում է տարեկան 8 միլիոն եվրո աշխատավարձ
Հայաստանի համար Էբոլա հիվանդության ներմուծման և հետագա տարածման ռիսկը գնահատվում է ցածր
Սինգապուրի վարչապետը շնվորհավորել է Փաշինյանին
BP-ն վաճառում է Հյուսիսային ծովում իր բիզնեսը և դուրս գալիս տարածաշրջանից