513 շիշ կեղծ խմիչք է առգրավվել․ ոստիկանությունը զգուշացնում է
ՔՈԳՎ կազմակերպված հանցավորության դեմ պայքարի վարչության ծառայողները Շենգավիթի համայնքային ոստիկանների հետ օպերատիվ տվյալ իրացնելիս` դեկտեմբերի 23-ին` ժամը 19-ի սահմաններում, Երևանի Արագածի փողոցում, ալկոհոլային կեղծ խմիչքների փոխադրման և իրացման կասկածանքով ձերբակալել են Մայիսի 9-ի փողոցի բնակիչ 34-ամյա մի տղամարդու: Այս մասին հայտնում է ՆԳՆ ոստիկանությունը:
Տղամարդուն իրավապահներն իր վարած «Ֆորդ Տրանզիտ» մակնիշի ավտոմեքենայով հանդերձ տեղափոխել են Շենգավիթի բաժին, որտեղ նա մեքենայի բեռնախցիկից ներկայացրե է ալկոհոլային տարատեսակ կեղծ խմիչքների 90 շիշ:
Հետագա միջոցառումների արդյունքում Մայիսի 9-ի փողոցում գտնվող իր ավտոտնակից տղամարդը ներկայացրել է կեղծ խմիչքի ևս 413 շիշ:
Ըստ նախնական տվյալների` դեկտեմբերի 22-ին նա երեք տարբեր մարդկանց 12-ական շիշ կեղծ խմիչք էր իրացրել Դավթաշենում, Հաղթանակ թաղամասում և Արշակունյաց փողոցում։
Կազմված փաստաթղթերը ներկայացվել են քննչական բաժին։
ՆԳՆ ոստիկանությունը հիշեցնում է, որ ալկոհոլային կեղծ խմիչքները կարող են լրջորեն վտանգել մարդկանց առողջությունը։ Իրավապահ մարմինները, այդ թվում՝ Ոստիկանությունը, շարունակում են ակտիվ ու հետևողական պայքարը նման օրինախախտումների դեմ։
Հորդորվում է ալկոհոլային խմիչքներ ձեռք բերել բացառապես օրինական գործունեություն ծավալող առևտրի կետերից։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Կասեցվել է «Պանիր Լոռի» և «Կաթի սեր» արտադրատեսակների արտադրությունը