Վրաստանը մաքսատուրք չի գանձի Ադրբեջանից Հայաստան նավթամթերքների առաջին տարանցիկ փոխադրման համար

Վրաստանի էկոնոմիկայի և կայուն զարգացման նախարարությունը արձագանքում է ադրբեջանական լրատվամիջոցներում շրջանառվող տեղեկատվությանն այն մասին, որ «մաքսային արգելքները խոչընդոտում են Ադրբեջանից Հայաստան երկաթուղով վառելիքի մատակարարմանը», հաղորդում է վրացական «Առաջին ալիքը»։

Վրաստանի վարչապետ Իրակլի Կոբախիձեի որոշմամբ՝ Վրացական երկաթուղուն անհապաղ հանձնարարվել է տվյալ բեռը միանվագ և ամբողջությամբ անվճար տեղափոխել երկաթուղով։ Այս որոշման մասին տեղեկացվել են պաշտոնական կողմերը։

Վրաստանը եղել և մնում է ռազմավարական և հուսալի գործընկեր թե՛ Հայաստանի, թե՛ Ադրբեջանի համար։ Մենք միշտ եղել և մնում ենք տարածաշրջանում խաղաղության և համագործակցության կողմնակիցներ», - նշել է Վրաստանի էկոնոմիկայի նախարարությունը։