Նախորդ գիշեր արձանագրեցինք օդի որակի էական վատթարացում. Ավինյան

Նախորդ գիշեր արձանագրեցինք օդի որակի էական վատթարացում՝ պայմանավորված ՀՀ տարբեր հատվածներում խոշոր հրդեհներով։ Այս մասին հայտարարեց Երևանի քաղաքապետ Տիգրան Ավինյանը՝ գործակարգավարական խորհրդակցության ժամանակ:  
Այս տեսակ հրդեհներն ու դրանցից արտանետված տոքսինները, ըստ քաղաքապետի, էականորեն ավելի վտանգավոր են, քան շինարարական փոշին, այն փոշին, որի դեմ ինտենսիվորեն պայքար է տարվում:
 
«Ենթադրում եմ, որ շատերդ նաև տեսել եք ձեր կամ կողքի բակերում ինչ-որ մեկին, որը հավաքում է տերևներն ու վառում։ Սիրելի՛ երևանցիներ, տերևների և աղբի այդ փոքրիկ «գործարանները» ուղղակի թունավորում են ձեզ, շրջակա միջավայրն ու երեխաներին։ Սա նորմալ չէ:  
Եվ պետք է հասկանանք թունավորման աստիճանը: Երբ անընդհատ խոսում ենք շինարարական փոշուց, դա 3-5 անգամ ավելի նվազ վտանգավորություն ունի:  
Ձմռան ամիսներին օդի շարժը դանդաղ է, այսինքն՝ եթե մի տեղ դա այրվեց, ժամերով էդ տոքսինները մնում են օդում»,- ասաց քաղաքապետը:  
Ըստ Ավինյանի՝ խնդրի կարգավորման համար պետք է որոշակի գործիքակազմ ստեղծել, մեխանիզմներ մշակել: Պետք է սկսել դրա դեմ պայքարել, քանի որ ամեն նոյեմբերից Երևանում սկսվում է օդի վատթարացումը

Այս թեմայով Իրանն Ատոմային էներգիայի միջազգային գործակալության ներկայացուցիչներին կհրավիրի ստուգելու իր միջուկային օբյեկտները. Ուիթքոֆ Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել 110-ի փոխարեն շուրջ 210 երեխա՝ Երևանի 105 մանկապարտեզը հիմնանորոգվել է Նոր Նորքում շահագործման կհանձնվի հիմնանորոգված և ընդլայնված թիվ 105 մանկապարտեզը Երևանի ճանապարհներին եղանակային պայմաններով առաջացած խնդիրները 95 տոկոսով լուծված են․ Ավինյան