Ինչ թանկանալու էր՝ թանկացել է արդեն. Վախթանգ Միրումյան
Հանրապետական պատգամավոր Ջեմմա Բաղդասարյանը տեղյակ չէ, որ Հայաստանում թանկացել են առաջին անհրաժեշտության մի շարք ապրանքներ.
«Չեմ կարող ասել, որ դա շատ հաճելի է, բայց այդպիսի վերլուծություն, որ ընդհանրապես թանկացում ա եղել, չեմ կարող ասել»,- ասում է ԱԺ ՀՀԿ խմբակցության անդամ Ջեմմա Բաղդասարյանը:
Խոսրով Հարությունյանը տեղյակ էր թանկացումներից:
« Լավ բան չէ»,- ասում է ԱԺ ՀՀԿ խմբակցության անդամը:
Պատգամավորը պատրաստ է վիճարկել, որ հանրապետության 45 տոկոսը սոված է եւ հետեւաբար Սերժ Սարգսյանը բոլոր հիմքերն ունի կուշտ լինելու: Նա համաձայն է, որ իշխանությունը կրում է պատասխանատվություն, եթե սոված մարդ կա Հայաստանում.
«Կան գործոններ, որոնք ազդում են գնի վրա եւ դա պայմանավորված է մեր քաղաքականությամբ, եւ կան գործոններ, որոնք պայմանավորված չեն մեզանով»:
Իսկ թե ինչու իշխանությունը պատասխան չի տալիս, երբ իր քաղաքացիների մի մեծ հատված սոված է, պարոն Հարությունյանը բացատրում է ընտրություններով՝ մարդիկ իրենց ձայնն արդեն տվել են: Ի դեպ, ԵԱՀԿ/ԺՄԻԳ-ը հենց երեկ կասկածել էր խորհրդարանի վերջին ընտրությունների օրինականությանը.
«Ես չգիտեմ՝ ԺՄԻԳ-ն ինչ է ասել, մենք էլ ենք իմանում, թե ընտրությունները ոնց են ընթացել»,- պատասխանում է Խոսրով Հարությունյանը:
Այնուամենայնիվ պատգամավորը երաշխավորում է, որ առաջիկա մեկ տարում Հայաստանի քաղաքացիների կյանքը չի վատանա: Բայց ինքը չի ուզում պատասխան տալ, օրինակ, կարագի թանկացման համար, որն իրենով չի պայմանավորված.
«Ներմուծվող կարագն իր գնով ավելի մրցունակ է, քան տեղական արտադրողինը»:
Պետական եկամուտների նախագահի տեղակալը նույնպես թանկացումների զոհ է.
«Ավելի շատ դրամական միջոցներ եմ կորցրել»,- ասում է ՀՀ ԿԱ ՊԵԿ նախագահի տեղակալ Վախթանգ Միրումյանը:
Ինչ կարող էր թանկանալ, արդեն թանկացել է, Վախթանգ Միրումյանն առաջարկում է առաջիկայում էական թանկացումներ չսպասել.
«Չենք կարող միանշանակ ասել՝ կթանկանա, թե չի թանկանա, որովհետեւ կա հնարավորություն ԵԱՏՄ-ից էդ նույն ապրանքը ներմուծելու, կա հնարավորություն երրորդ երկրից ներմուծելու, որի հետ մենք ունենք ազատ առեւտրի համաձայնագիր, կախված ա նրանից, թե ներմուծման կառուցվածքում, կախված ներմուծող երկրից՝ ինչ փոփոխություններ կարող են տեղի ունենալ»:
Վախթանգ Միրումյանը չի կարող ասել՝ վերջին մեկ տարում լավացե՞լ է քաղաքացու կյանքը, թե վատացել, ինքը միայն կարող է ասել, թե ինչ բարեփոխումներ է իրականացրել, որոնք ոչ մի թանկացում չեն կանխել.
«Ի՞նչ անենք՝ չշարունակե՞նք բարեփոխումները», ասում է նա:
Պարոն Միրումյանն, ի դեպ, սպառնաց, որ բարեփոխումները շարունակվելու են անկախ նրանից, թե գներն ինչպես են բարձրանում:
Հրապարակվել է հազար խոշոր հարկատուների ցանկը. վճարված գումարները կազմել են ավելի քան 1 տրլն 946 մլրդ...
Մահացել է Երևանի նախկին քաղաքապետ Ռոբերտ Նազարյանը
Շինարարական ընկերություններին ներկայացվող պահանջները խստացվել են
Համատեղ ջանքերի շնորհիվ մեզ կհաջողվի նոր մակարդակի բարձրացնել երկկողմ քաղաքական երկխոսությունը․ Փաշի...
Բոլորը պետք է փոխզիջման գնան, ի դեպ` նաեւ ամերիկյան, Վիլնյուսում ասել է Զելենսկին
Հունվարի 27-ը Հայրենիքի պաշտպանության համար զոհվածների հիշատակի օրն է
Հայաստանը խաղադրույք է կատարում ոչ թե պարզապես տեխնոլոգիաների, այլ գիտության, կրթության և ԱԲ տնտեսու...
ԱՄՆ-ում առատ ձյան տեղումների և սառույցի պատճառով 24 նահանգներում արտակարգ դրություն է հայտարարվել
Ժամանակավորապես կդադարեցվի հետևյալ հասցեների էլեկտրամատակարարումը
Ի՞նչ են փնտրում հայաստանցիները