Հրազդանի կիրճում ժայռի քանդման աշխատանք չի կատարվում, մաքրվում է աղբը. Երևանի քաղաքապետարան

Համացանցում տեսանյութ է տարածվում՝ պնդումով, թե իբր քանդվում են Հրազդանի կիրճի բազալտե սյուները: Երևանի քաղաքապետարանից տեղեկացրել են, որ տարածվող տեղեկատվությունը չի համապատասխանում իրականությանը:

«Կիրճին հարակից ստորգետնյա անցումը վերանորոգվում է, և դրան զուգահետ տարածքից դեպի Հրազդանի կիրճ իջնող հատվածից տարիների ընթացքում կուտակված շինարարական աղբն է հանվում, ինչի արդյունքում Հրազդանի կիրճի ժայռերի գեղեցիկ տեսարանը էլ ավելի կբացվի և տեսանելի կլինի։ Որևէ ժայռերի քանդման աշխատանք այդտեղ չի կատարվում»,- հայտնեցին քաղաքապետարանից: