Պուտինը միջուկային զենքի փորձարկումների վերաբերյալ հանձնարարականներ է տվել
Ռուսաստանի նախագահ Վլադիմիր Պուտինը հայտարարել է, որ Մոսկվան մշտապես հետևում է Միջուկային փորձարկումների համապարփակ արգելքի մասին պայմանագրով ստանձնած պարտավորություններին։
«Կցանկանայի ընդգծել, որ Ռուսաստանը միշտ անշեղորեն պահպանել է և այժմ էլ պահպանում է իր պարտավորությունները Միջուկային փորձարկումների համապարփակ արգելքի պայմանագրի շրջանակում։ Այդ պարտավորություններից հրաժարվելու որևէ ծրագիր չունենք»,- ասել է նա՝ ՌԴ անվտանգության խորհրդի մշտական անդամների հետ խորհրդակցության ժամանակ։
Պուտինի խոսքով՝ քննարկման հիմնական թեման եղել է ԱՄՆ-ի միջուկային զորավարժություններին և ամերիկյան նախագահ Դոնալդ Թրամփի՝ միջուկային փորձարկումները վերսկսելու մասին հայտարարությանը տրվելիք արձագանքը։ Նա նշել է, որ Ռուսաստանի Անվտանգության խորհուրդը վերլուծել է ամերիկյան իշխանական շրջանակներում հնչող հայտարարությունները և դրանց հնարավոր հետևանքները։
Պուտինը նաև ընդգծել է՝ «Եթե Միջուկային փորձարկումների համապարփակ արգելքի պայմանագրի մասնակից երկրները որոշեն իրականացնել նման փորձարկումներ, ապա Մոսկվան ստիպված կլինի ձեռնարկել համապատասխան պատասխան քայլեր»։ Միևնույն ժամանակ նա շեշտել է, որ Ռուսաստանը չի նախատեսում դուրս գալ այդ պայմանագրից։
Նախագահը հանձնարարել է համապատասխան գերատեսչություններին ձեռնարկել լրացուցիչ ուսումնասիրություններ և ներկայացնել առաջարկություններ հնարավոր քայլերի վերաբերյալ։
«Հանձնարարում եմ Ռուսաստանի արտաքին գործերի նախարարությանը, պաշտպանության նախարարությանը, հատուկ ծառայություններին և համապատասխան քաղաքացիական կառույցներին ձեռնարկել բոլոր անհրաժեշտ քայլերը՝ այս հարցի վերաբերյալ լրացուցիչ տեղեկատվություն հավաքելու, այն Անվտանգության խորհրդի հարթակում վերլուծելու և միջուկային զենքի փորձարկումների նախապատրաստման հնարավոր մեկնարկի վերաբերյալ համաձայնեցված առաջարկություններ ներկայացնելու համար։ Եկեք դրանից ելնենք։ Սպասում եմ ձեր հաշվետվությանը»,- ասել է Պուտինը։
Խորհրդակցությունը նախատեսված էր անցկացնել տրանսպորտային անվտանգության և Ռուսաստանի կառավարության պատվիրակության՝ Չինաստան կատարած այցի արդյունքների վերաբերյալ, սակայն Պետական դումայի խոսնակ Վյաչեսլավ Վոլոդինը խնդրել է արտակարգ ձևով անդրադառնալ այլ թեմայի։ Նա ուշադրություն է հրավիրել ԱՄՆ նախագահ Դոնալդ Թրամփի հայտարարություններին միջուկային փորձարկումները վերսկսելու մտադրության մասին և նշել, որ ռուս պատգամավորները լուրջ մտահոգություն ունեն ստեղծված իրավիճակի կապակցությամբ։
Պուտինը հարցը գնահատել է որպես «լուրջ» և առաջարկել է կարծիք հայտնել երկրի անվտանգության համակարգի գլխավոր ներկայացուցիչներին։
Մասնավորապես, Պաշտպանության նախարար Անդրեյ Բելոուսովը նշել է, որ Վաշինգտոնը շարունակում է ակտիվորեն ընդլայնել իր ռազմավարական հարձակողական զինանոցը։
Նրա խոսքով՝ նման պայմաններում Ռուսաստանը պետք է պահպանի իր միջուկային ներուժի մարտունակությունը և կարողանա անհրաժեշտության դեպքում համարժեք արձագանքել։
«Հաշվի առնելով այս հանգամանքները՝ նպատակահարմար եմ համարում անհապաղ սկսել ամբողջածավալ միջուկային փորձարկումների նախապատրաստական աշխատանքները»,- ասել է Բելոուսովը։
Աշխարհի ամենահայտնի Խորհրդարանական ծեծկռտուքները (ֆոտոշարք)
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանական պատվիրակությունը Դոհայում բանակցություններ է վարել Կատարի միջնորդների հետ
Հանրությանը մոլորեցնելու նպատակ ունեցող ապատեղեկատվություն
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում