Հայ-թուրքական սահմանի բացման առումով 2026 թ-ի հունվար-փետրվարին դրական զարգացումներ ենք տեսնելու. Կարո Փայլան
Իմ երազանքն է հայ-թուրքական սահմանը բացված տեսնելը, կարծում եմ՝ գալիս տարվա հունվար-փետրվար ամիսներին դրական զարգացումներ ենք տեսնելու այս առումով։ Այս մասին Երևանում «Օրբելի» կենտրոնի կազմակերպած խորհրդաժողովի ընթացքում լրագրողների հետ զրույցում ասել է Թուրքիայի խորհրդարանի նախկին պատգամավոր, Քրդամետ ընդդիմադիր «Ժողովուրդների դեմոկրատական կուսակցության» անդամ Կարո Փայլանը։
«Անշուշտ, բացումը հունվարին նախ կլինի 3-րդ երկրների քաղաքացիների համար, այնուհետև հուսամ մի քանի ամսվա ընթացքում նաև Թուրքիայի և Հայաստանի քաղաքացիները նույնպես կկարողանան անցնել հայ-թուրքական սահմանով»։
Փայլանի գնահատմամբ՝ խաղաղության երաշխավորը տարածաշրջանում տնտեսական կապերի ամրապնդումն է, տնտեսական փոխկապակցվածությունների ավելացումը։
«Կարծում եմ, նաև Թրամփի ուղու հետ կապված հունվարին առաջընթաց կտեսնենք, զարգացումներ կլինեն նաև Հայաստան- Ադրբեջան հարաբերությունների զարգացման գործում։ Ամեն ինչ միասնաբար առաջ կընթանա»,– ասել է նա։
Հարցին, թե ինչպես ենք Թուքիայի հետ հարաբերություններ զրգացնելու, թե Թուրքիան մինչ օրս չի ճանաչել Հայոց Ցեղասպանությունը՝ Փայլանն ասաց, որ 110 տարի մենք ակնկալում էինք, որ Թուրքիան պետք է առերեսվի Հայոց Ցեղասպանության հետ, սակայն, դժբախտաբար, նման բան տեղի չունեցավ։ «Իմ մեծ մայրիկը մեռավ առանց արդարության, հայր էլ մահացավ առանց արդարության։ Ես չեմ ուզում մահանալ առանց արդարություն տեսնելու։ Եթե հարաբերություն չունես, եթե դռները փակ են, ինչպես կարող ես երկխոսություն սկսել անցյալի համար։ Իմ կարծիքով, պետք է հարաբերություն ունենալ, դուռ բացել, որից հետո անցյալի մասին խոսելն ավելի հեշտ կլինի։
Հիմա աշխարհակարգ է փոխվել, մենք անգամ լավ ժամանակներում չկարողացանք արդարություն գտնել, հիմա դա անհնարին է։ Բայց պետք չէ արդարություն փնտրել Վաշինգտոնում, Փարիզում, մենք այստեղ պետք է փորձենք արդարություն գտնել։ Հիմա Թուրքիայի ժողովուրդը պատրաստ է լսելու թե ինչ ենք ապրել 1915-ին, բայց պատրաստ չէ ասել, որ դա ցեղասպանություն է։ Մենք պետք է այդ երկխոսությունը սկսենք հարաբերություն հաստատելով։ Կարծում եմ հիմա նման պատուհան է բացվում»,-նշել է նա։
Աշխարհի ամենահայտնի Խորհրդարանական ծեծկռտուքները (ֆոտոշարք)
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանական պատվիրակությունը Դոհայում բանակցություններ է վարել Կատարի միջնորդների հետ
Հանրությանը մոլորեցնելու նպատակ ունեցող ապատեղեկատվություն
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում