Երևանում դրվել է Ստեփանակերտի Փափազյանի անվան դրամատիկական թատրոնի վերակազմավորման հիմքը
Երևանում դրվել է Ստեփանակերտի Վահրամ Փափազյանի անվան դրամատիկական թատրոնի վերակազմավորման հիմքը։ Ուրախալի այս լուրի մասին տեղեկանում ենք թատրոնի ֆեյսբուքյան էջից։
«Լավ նորություն ունենք՝ հատկապես թատերասերների և հատկապես Արցախի մայր թատրոնի հավատարիմ հանդիսատեսի համար։
Մեծ հուզմունքով, բայցև մեծ ոգևորությամբ ենք գրում այս հրապարակումը, որովհետև, գոնե մեզ համար, սա իսկական իրադարձություն է․ Արցախը ապրեցնելու ևս մեկ գաղափար կյանքի է կոչվել։
Հայաստանի թատերական գործիչների միության և «Դիալոգ» կազմակերպության, նրանց ղեկավարներ Հակոբ Ղազանչյանի և Յուրի Նավոյանի համագործակցության, ջանքերի և աջակցության շնորհիվ Երևանում դրվել է Ստեփանակերտի Վահրամ Փափազյանի անվան դրամատիկական թատրոնի վերակազմավորման հիմքը։
Ահա այսպես՝ սրտացավ և նվիրական մարդկանց շնորհիվ, Արցախի մշակույթի ու պատմության արժեքը հասկացող մարդկանց ջանքերով, մենք՝ տասներեք հոգանոց խմբով, արդեն վերսկսել ենք մեր գործունեությունը և շատ մոտ ապագայում պատրաստվում ենք Ձեր դատին հանձնել մեր առաջին ներկայացումը։
Մեծ հույսեր ունենք, որ ապագայում կկարողանանք ընդլայնել մեր թիմը՝ ներգրավելով նաև թատրոնի մյուս կոլեգաներին։
Առաջին ներկայացումը, որով հանդես կգանք նոյեմբերի 12-ին, պատահականորեն ընտրված չէ․ դա արցախյան բարբառով, Արցախի համ ու հոտով ստեղծագործություն է, որը թույլ կտա մեզ և Ձեզ վերապրել այն ուրախ ու լուսավոր օրերը, որոնցում ապրել ենք և դեռ կապրենք։
Ներկայացման հիմքում Ալեքսանդր Մանասյանի «Արցախյան սիրո հեքիաթ կամ Արա, պա ստի պեն կինի՞» ստեղծագործությունն է։ Ինձ համար ամենակարևորը այս ներկայացման միջոցով առիթ ստեղծելն է, որպեսզի մեր տանջված ու հոգսաշատ ժողովուրդը թեկուզ կարճ ժամանակով ապրի ուրախության և ջերմության պահեր։
Մեր մեծ ցանկությունն է՝ հիշողության թևերով Ձեզ տուն տանել ոչ թե ցավ ու տխրություն, այլ՝ ծիծաղ և ուրախություն պարգևելու ակնկալիքով։
Իսկ այստեղի մեր հայրենակիցների համար սա հիանալի հնարավորություն է՝ հաղորդակիցը դառնալու Արցախի բարբառի համ ու հոտին, նրա պարզ ու անմիջական մարդկանց, միջավայրին և առօրյային։
Արցախն ապրելու է, քանի ապրում է նրա մշակույթն ու ավանդույթները և այդ ամենն արժևորող հայրենանվեր մարդիկ»։
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Հայաստան է ժամանել Վրաստանի պաշտպանական ուժերի հրամանատար Գիորգի Մաթիաշվիլին
Գայի պողոտայում գտնվող առևտրի կենտրոններից մեկում հրդեհ է բռնկվել
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
ԱՄՆ դատարանը Ալյասկայում ընտրության վերաբերյալ մերժել է Թրամփի վարչակազմի հայցը
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Գազամատակարարման վթարային դադարեցում Երևանի մի շարք հասցեներում
ՀԷՑ-ին պատճառվել է 64.5 մլրդ դրամի վնաս. ձերբակալվել է Սամվել Կարապետյանը