Ինչ է քննարկվելու ՆԱՏՕ-ի գագաթնաժողովում՝ Ուկրաինայի հարցով

ՆԱՏՕ-ի առաջիկա գագաթնաժողովում անդամ երկրները չեն անդրադառնա Ուկրաինայի հնարավոր անդամակցությանը ռազմական դաշինքին, սակայն կքննարկեն հանրապետության աջակցության ծախսերը ՀՆԱ-ի 5%-ի սահմանած պաշտպանական ծախսերի նպատակային ցուցանիշում ներառելու նախաձեռնությունը, գրում է Bloomberg-ը՝։

Նշվում է, որ ՆԱՏՕ-ն նպատակ ունի պաշտպանության վրա ծախսել ՀՆԱ-ի առնվազն 5%-ը, որից 3.5%-ը պետք է ուղղվի պաշտպանական հիմնական կարիքներին, իսկ ևս 1.5%-ը՝ կիբերպաշտպանությանը, ենթակառուցվածքներին և քաղաքացիական պատրաստվածությանը։

Գործակալությունը հայտնել է, որ ՆԱՏՕ-ի դաշնակիցները կքննարկեն Ուկրաինային աջակցելու համար նախատեսված ներդրումները նոր ծախսերի նպատակներում ներառելու հնարավորությունը, որոնք դաշինքի անդամները, ինչպես սպասվում է, կընդունեն այս ամսվա վերջին կայանալիք առաջնորդների գագաթնաժողովում։

«Հատկանշական է, որ հայտարարության մեջ չի ներառվում Ուկրաինայի՝ ռազմական դաշինքին միանալու հեռանկարը, ինչը նկատելի էր նախորդ գագաթնաժողովներում», - ասվում է տեքստում։