Լավրովը Հայաստանի և այլ երկրների դեսպանների հետ քննարկել է Հարավային Կովկասում ապակայունացման ռիսկերը

Լավրովը սկզբունքայյին գնահատականներ է տվել Եվրասիայի տարբեր հատվածներում անվտանգության իրավիճակին։ Նա արձանագրել  է Եվրատլանտյան անվտանգության հայեցակարգի ճգնաժամը, ուշադրություն հրավիրել  ՆԱՏՕ-ի երկրների վտանգավոր գործողությունների վրա՝ ուղղված Ասիա-խաղաղօվկիանոսյան տարածաշրջանում իրավիճակի ապակայունացմանը, պայթյունավտանգ իրավիճակին Մերձավոր Արևելքում, ինչպես նաև Հարավային Կովկասի և Կենտրոնական Ասիայի կայունությանը սպառնացող ռիսկերին։

Տեղի է ունեցել մտքերի փոխանակում մայրցամաքի բոլոր պետությունների և նրանց ասոցիացիաների մասնակցությամբ Եվրասիայում անվտանգության նոր ճարտարապետություն ստեղծելու Պուտինի առաջադրած նախաձեռնության իրականացմանն առնչվող հարցերի շուրջ։

Քննարկման ընթացքում ընդգծվել է եվրասիական տարածքում կայունության ապահովման, անբաժանելի անվտանգության սկզբունքի գործնական կիրառման և եվրասիական խնդիրների լուծման համար եվրասիական պետությունների առաջնային պատասխանատվության ապահովման անհրաժեշտությունը։

Հանդիպմանը մասնակցել է նաև Ռուսաստանում Հայաստանի դեսպան Գուրգեն Արսենյանը։