Մենք կապի մեջ ենք Թրամփի վարչակազմի հետ. Արարատ Միրզոյան

Պատասխանելով հարցին, թե ինչ է ակնկալում Երևանը Թրամփի վարչակազմի հետ համագործակցությունից և ինչպես դա կարող է ազդել տարածաշրջանում խաղաղության օրակարգի վրա, ԱԳՆ ղեկավարը հիշեցրել է, որ մի քանի ամիս առաջ Հայաստանը ԱՄՆ-ի հետ ստորագրել է շատ կարևոր մի փաստաթուղթ՝ Ռազմավարական գործընկերության կանոնադրությունը։

«Այն բարձրացնում է ԱՄՆ-ի հետ մեր հարաբերությունների մակարդակը։ Մենք առաջ ենք շարժվում ամերիկյան նոր վարչակազմի հետ փոխգործակցությամբ։ Արդեն մի քանի հանդիպում ու շփում ենք ունեցել մեր ամերիկացի գործընկերների հետ։ Մենք տեսնում ենք Հարավային Կովկասում խաղաղության ապահովման նկատմամբ հետաքրքրություն։ Նախագահ Թրամփը և նրա թիմը խոսել են աշխարհում խաղաղության մասին։ Քանի մենք խորապես շահագրգռված են խաղաղությամբ, դա ոգեշնչող է։ Մենք կապի մեջ ենք ԱՄՆ-ի վարչակազմի հետ՝ հասկանալու, թե ինչ է հնարավոր անել Հարավային Կովկասում կայուն խաղաղության հաստատման համար»,-ասել է նա: