Ուկրաինան այլընտրանք չունի խաղաղության համաձայնագրում. Թրամփ

«Կարծում եմ, որ սա կլինի. «Ուկրաինան ցանկանում է գործարք կնքել, քանի որ ես չեմ կարծում, որ նրանք այլընտրանք ունեն»,- ասել է Սպիտակ տան ղեկավարը՝ պատասխանելով լրագրողների հարցին, թե ինչ է ակնկալում Կիևից։

 

Թրամփը հավելել է, որ Ռուսաստանն, իր ընկալմամբ, «նույնպես  ցանկանում է գործարք կնքել, քանի որ կան հանգամանքներ, որոնք գիտեմ միայն ես, եւ նրանք էլ այլընտրանք չունեն»։

 

Հունվարին ՌԴ Անվտանգության խորհրդի մշտական ​​անդամների հետ հանդիպման ժամանակ ՌԴ նախագահ Վլադիմիր Պուտինը հայտարարեց, որ ուկրաինական հակամարտության կարգավորման նպատակը չպետք է լինի կարճաժամկետ հրադադարը և ուժերի վերախմբավորումը և վերազինումը հետագայում հակամարտությունը շարունակելու նպատակով, այլ երկարաժամկետ խաղաղությունը։

Նրա խոսքով, ռուսական իշխանությունները շարունակելու են պայքարել ռուս ժողովրդի շահերի համար. Ուկրաինայում խաղաղությունը, նշել է Պուտինը, պետք է հիմնված լինի «բոլոր մարդկանց, բոլոր ազգերի օրինական շահերի հարգման վրա, ովքեր ապրում են այս տարածաշրջանում»։