Փասադենայի «Սահակ-Մեսրոպ» հայկական դպրոցն ամբողջությամբ այրվել է․ Հալաջյան

Փասադենայի «Սահակ-Մեսրոպ» հայկական դպրոցն ամբողջությամբ այրվել է Լոս Անջելեսի շրջանի անտառային հրդեհների հետևանքով։ Այս մասին ֆեյսբուքյան իր էջում հայտնել է ամերիկահայ Հովհաննես Հալաջյանը։

Համացանցում բազմաթիվ հայեր նաև արձագանքներ ու տեսանյութեր են հրապարակում տարածվող հրդեհից, տեղեկացնում իրենց` անվտանգ տարածքում լինել-չլինելու մասին։ Արագ տարածվող հրդեհը նաև հայաշատ բնակավայրերում է՝ Գլենդեյլ, Բըրբանք, Փասադենա, Սիլմար։

Լոս Անջելեսում արտակարգ դրություն է հայտարարվել անտառային հրդեհների պատճառով, որոնք ընդգրկել են քաղաքի արևմուտքում գտնվող մի քանի շրջաններ։

Ջո Բայդենը չեղարկել է իր ուղևորությունը Հռոմ և Վատիկան Կալիֆոռնիայում մոլեգնող անտառային հրդեհների պատճառով։ Այդ այցը պետք է լիներ նրա վերջին արտասահմանյան այցը ԱՄՆ նախագահի պաշտոնում:

Հրդեհները վնասել են հոլիվուդյան հայտնի մարդկանց տները, այդ թվում՝ Փերիս Հիլթոնի, Բիլլի Քրիսթալի և Մենդի Մուրի։

Այս թեմայով Հրապարակվել է Լոս Անջելեսում մեկ օրում բողոքի ցույցերի ժամանակ ձերբակալվածների թիվը Լոս Անջելեսում պարետային ժամ է սահմանվել Կալիֆորնիայի նահանգապետ. Լոս Անջելեսի հրդեհները կդառնան ԱՄՆ պատմության ամենասարսափելի տարերային աղետներից մեկը Կալիֆոռնիայի անտառային հրդեհների մարման աշխատանքներին ներգրավել են բանտարկյալներին Ամբողջությամբ հրդեհվել է դերասան Մել Գիբսոնի Մալիբուի տունը