Մասկը մտադիր է ամսական 45 մլն դոլար հատկացնել Թրամփի վերընտրմանն աջակցող հանձնաժողովին

Ամերիկացի միլիարդատեր Իլոն Մասկը ցանկանում է նախընտրական քարոզարշավի շրջանակում մեծ ֆինանսական աջակցություն ցուցաբերել ԱՄՆ նախագահի հանրապետական թեկնածու Դոնալդ Թրամփին։ Այս մասին հայտնել է The Wall Street Journal-ը:

Հրատարակության աղբյուրների համաձայն՝ Մասկը պատրաստ է ամսական 45 մլն դոլար նվիրաբերել Թրամփին աջակցող America PAC քաղաքական գործողությունների հանձնաժողովին:

America PAC-ն ուղղակիորեն կապված չէ Թրամփի նախընտրական շտաբի հետ, բայց ԱՄՆ նախկին նախագահի համար աշխատում է «կուլիսներում»՝ հետազոտելով ընտրողներին և վերահսկելով լրատվամիջոցներում պատվիրված նյութերը, պարզաբանել է Bloomberg-ը:

America PAC-ը գրանցում է ընտրողներին տատանվող նահանգներում և կոչ է անում նրանց վաղաժամ քվեարկել, ըստ WSJ-ի:

ԱՄՆ-ում քաղաքական գործողությունների հանձնաժողովը կազմակերպություն է, որը համախմբում է դոնորներին, որոնք գումար են նվիրաբերում նախագահի թեկնածուներից մեկի քարոզարշավին: Նման հանձնաժողովներին նվիրատվության չափի սահմանափակում չկա:

Հուլիսի 13-ին Դոնալդ Թրամփի դեմ մահափորձից հետո Մասկը հրապարակավ սատարել է նրան X սոցիալական ցանցում: Թրամփին որպես նախագահի հանրապետական թեկնածու, իսկ Ջեյմս Դեյվիդ Վենսին որպես փոխնախագահ հաստատմանը Մասկը արձագանքել է մեկնաբանությամբ «հաղթական է թվում»։

Այս թեմայով Թրամփը Կոնգրեսի թույլտվությունը պարտադիր չի  համարում ամերիկացիներին 5000-ական դոլար վճարելու համար Թրամփը հայտարարել է, որ չի զղջում Իրանի դեմ պատերազմի համար Թրամփը հանձնարարել է կրճատել Հարավային Կորեայի հետ համատեղ զորավարժությունները Թրամփը ծրագրային ելույթ կունենա Տեխասում կայանալիք Հանրապետականների համագումարում․ AP Ուիթքոֆ․ Թրամփը Ադրբեջանի և Հայաստանի միջև հակամարտությունը վերածել է խաղաղության հաստատման օրինակելի մոդելի