Բաքուն բողոքի նոտա է հղել Մեխիկոյին
Պաշտոնական Բաքուն բողոքի նոտա է հղել Մեքսիկայի Միացյալ Նահանգներին՝ մեքսիկացի մի խումբ պատգամավորների Լեռնային Ղարաբաղ այցի կապակցությամբ:
APA լրատվական գործակալության փոխանցմամբ՝ Մեխիկոյում Ադրբեջանի գործերի ժամանակավոր հավատարմատար Մամեդ Թալիբովը Մեքսիկայի խորհրդարանի խոսնակի հետ հանդիպմանը պահանջել է համակողմանի ուսումնասիրել պատգամավորների ղարաբաղյան այցը և համապատասխան քայլեր ձեռնարկել:
Մեքսիկացի խորհրդարանականներ Բլանկա Մարգարիտա Կուատա Դոմինգեսը, Մարիա Կրիստինա Տերեսա Գարսիա Բռավոն ու Կառլոս Էռնանդես Միրոնը Լեռնային Ղարաբաղ են այցելել հոկտեմբերի 24-ին: Ստեփանակերտում նրանց ընդունել է նախագահ Բակո Սահակյանը, խորհրդարանականները նաև հյուրընկալվել են Ազգային ժողովում:
Ղարաբաղ այցելած մեքսիկացի պատգամավոր Մարիա Կրիստինա Տերեսա Գարսիա Բռավոն, հիշեցնենք, Մեքսիկայի մայրաքաղաքում Ադրբեջանի նախկին նախագահ Հեյդար Ալիևի արձանի ապամոնտաժման համար ակտիվ պայքարողներից էր: Հիշեցնենք՝ Ալիևի բրոնզե արձանը Մեխիկոյում տեղադրվել էր Մեքսիկայում Ադրբեջանի դեսպանատան ջանքերով, որը գումարներ էր հատկացրել քաղաքի այդ շրջանը և զբոսայգին բարեկարգելու համար։ Իրավապաշտպանների բողոքներից հետո, որոնք շեշտում էին, որ բռնապետը արժանի չէ տվյալ վայրում արձան ունենալու պատվին, այն ապամոնտաժվեց:
Պաշտոնանկություն՝ Ռուբեն Ռուբինյանի կարգադրությամբ
Վոլեյբոլի Եվրոպայի Մ20 տղաների առաջնության առաջին փուլը կանցկացվի Երևանում
Գրունիսը մահացել է՝ «կատարելով իր պարտքը»
Ֆուտզալ․ Մոլդովա-Հայաստան հանդիպումն ավարտվեց ոչ-ոքի
ՀՀ տարածքում ավտոճանապարհներն անցանելի են
Ֆիդանն և Բայրամովը քննարկել են Հայաստան-Ադրբեջան կարգավորման ուղղությամբ վերջին մեկ տարում արձանագրվ...
Հայաստանի Օքսֆորդի շրջանավարտների բիզնես ակումբ
70 հազարից՝ մինչև 2 մլն դրամ․ խստացվում են կառուցապատողների նկատմամբ տուգանքները (տեսանյութ)
Վեներա մոլորակը լավ տեսանելի կլինի առավոտյան երկնքում
ՀՀ ԱԺ իններորդ գումարման երկրորդ նստաշրջանի հերթական նիստ 16.09.2026