Apple–ը նոր iPhone սմարթֆոնների համար 60 միլիոն էկրան ձեռք կբերի Samsung–ից

Ամերիկյան Apple ընկերությունը կորեական Samsung Electronics –ի մաս հանդիսացող Samsung Display ընկերությունից մտադիր է 60 միլիոն էկրան ձեռք բերել նոր iPhone սմարթֆոնների համար ընդհանուր 5 տրիլիոն կորեական վոնով (շուրջ 4,35 միլիարդ դոլար), հաղորդում է The Korea Herald–ը։

Պարբերականը նշում է, որ 2016 թվականի ապրիլին Apple ընկերությունը արդեն պատվիրել էր 100 միլիոն OLED-էկրան Samsung–ից՝ 6,79 միլիարդ դոլարով։ Այսպիսով, հաշվի առնելով նոր գործարքը, Samsung–ը դառնում է 2017 թվականի աշնանը վաճառքի ներկայացվող նոր iPhone սմարթֆոնների մասերի խոշորագույն մատակարարը։

Ավելի վաղ ճապոնական Sharp ընկերությունը հաստատել էր, որ iPhone 8 նոր մոդելը զինված է լինելու կոր OLED-էկրանով։ Ակնկալվում է, որ OLED-էկրանը կտեղադրվի միայն 5,5 դույմ անկյունագծով iPhone 8 Plus սմարթֆոնների վրա։

news.am

Այս թեմայով Հայտնի է ցանկացած iPhone կոտրելու միջոցը Apple-ը հասանելի է դարձրել մարդկանց տեղաշարժի մասին վիճակագրական տվյալները Apple-ը միանգամից երկու ոչ թանկ սմարթֆոն է պատրաստում iPhone SE-ին փոխարինելու համար Apple կորպորացիայի բաժնետոմսերի արժեքը նոր ռեկորդ է սահմանել Աշխարհում ամենատարածված iPhone-ի գնի ռեկորդային անկում է գրանցվել