Վրաստանի փողոցներում մեքենան երկար կայանելու համար մեքենայի սեփականատերը կտուգանվի

Վրաստանի խորհրդարանը քննարկում է վարորդների վարչական իրավախախտման մասին օրենքի նախագիծը, որը նախատեսում է նոր տուգանքներ երթեւեկության կանոնների խախտման դեպքում, հաղորդում է «Նովոստի Գռուզիան»:

Վարորդների համար նոր տուգանքների մասին օրինագծի հեղինակներն են իշխող «Վրացական երազանք» կուսակցությունից պատգամավորներ Կախա Կուկավան եւ Գոգա Գուլորդավան:

Նախագիծը ենթադրում է վարչական իրավախախտումների վերաբերյալ օրենսգրքի 125-րդ հոդվածի մի քանի մասի լրացում:

Նախաձեռնության համաձայն, 50 լարի (20 դոլար) տուգանվելու են ավտոմեքենաների սեփականատերերը, ովքեր մեքենան թողել են փողոցում ավելի քան երեք ամիս:

Տեղափոխող տաքսիներից բացի, BUS LANE գծի վրա երթեւեկության կանգնեցումը կամ կայանումը իր հետ նախատեսում է տուգանք 100 լարի չափով (մոտ 40 դոլար):

Հեծանվագծի կամ դրա համար նախատեսված գծի վրա տրանսպորտային միջոցի երթեւեկության կանգնեցումը կամ կայանումը կտուգանվի 50 լարի գումարի չափով:

Օրինագիծը նաեւ ենթադրում է, որ մեքենայի առանց պետհամարանիշի, TEST-համարի կամ տրանզիտային եւ ներտրանզիտային նշանների կանխամտածված կանգնեցումը կամ ավտոկայանատեղում կայանելը, կտուգանվի 100 լարի գումարի չափով:

Վերոնշյալ բոլոր դեպքերում, սեփականատիրոջ կողմից թողնված մեքենան կտեղափոխվի տուգանման ավտոկայանատեղի: Դրա հետ միասին, եթե պարզվի, որ սեփականատիրոջ մեքենայի համարանիշերը գողացվել են, նա կազատվի տույժից եւ ավտոկայանատեղի ծառայության եւ հարակից ծախսերից:

Օրինագիծը արդեն քննարկվել է խորհրդարանի բյուրոյի նիստում, որը դրական խորհրդատվություն է տվել եւ պարտավորել է համապատասխան հանձնաժողովներին սկսել դրա քննարկումը:

Պետք է նշել, որ ավելի վաղ Վրաստանում նորարարությունները արդեն սկսել են գործել` ուղղված ճանապարհային երթեւեկության կանոնների խախտման համար տույժերի համակարգի խստացմանը:

Այսպիսով, հուլիսի 1-ից երկրում գործում է 100 միավորանոց համակարգը, որը տարեկան կտրվածքով փոխանցվում է Վրաստանի վարորդներին, որոնք կրճատում են տուգանքների գրման դեպքում:

Արդեն այս տարվա նոյեմբերի 1-ից Վրաստանում կգործի նաեւ ոչ կոնտակտային պարեկության համակարգը: Երկրի ճանապարհների վրա կգործեն շուրջ 3 հազար տեսախցիկներ, որոնք կարձանագրեն խախտումները:

 NEWS.am