Մի՞թե մարդը ընդունակ է այս արարքին. անմարդկային արարք Շիրակում

Շիրակ կենտրոնի ղեկավար Վահան Թումասյանը վերջերս ականատես էր եղել մի դաժան տեսարանի. ճանապարհի եզրին մայր շունը տուկի թելով խեղդամահ արված էր, իսկ ձագուկները նրա շուրջը հավաքված դեռ կաթ ուտելու փորձեր էին անում: Շիրակ կենտրոնի նախագահը այդ զազրելի տեսարանը ֆիքսել էր մարզի գյուղեր այցելության ընթացքում, Գյումրի- Բայանդուր ճանապարհին:

Վահան Թումասյանին հետաքրքրում է, թե միթե պարեկները ճանապարհի այդ բանուկ հատվածում չեն նկատել կատարվածը, և ինչու իրավապահները դեպքով հետաքրքրված չեն:

ՀՀ քննչական կոմիտեից տեղեկացանք, որ դեպքով Շիրակի մարզի քննչական բաժնում քրեական վարույթ է նախաձեռնվել՝ կենդանիների նկատմամբ դաժան վերաբերմունք դրսևորելու մեղադրանքով: