ԵՄ-ն Հայաստանին եւս մեկ միլիոն կտրամադրի միայն ընտրությունների ավարտից հետո

Կառավարության աշխատակազմի ղեկավար- նախարար Դավիթ Հարությունյանը համակարծիք չէ, որ Հայաստանում ԵՄ պատվիրակության ղեկավար, դեսպան Պյոտր Սվիտալսկու հայտարարությունը, թե եզրափակիչ տրանշը (ավելի քան 1 մլն եվրո) Հայաստանի կառավարությանը հասանելի կլինի միայն խորհրդարանական ընտրությունների անցկացումից հետո, նշանակում է, որ Եվրամիությունը կասկածի տակ է դնում Հայաստանում անցկացվելիք ընտրությունների արդարությունը:

NEWS.am-ի հարցին՝ արդյոք Սվիտալսկու հայտարարությունն ուղղակի մեսիջ է, որ Եվրամիությունը կասկածում է Հայաստանում ապրիլի 2-ին կայանալիք ընտրությունների արդարությանը, Դավիթ Հարությունյանը պատասխանեց. «Ես չեմ կարծում, որ դա նման մեսիջ է, եւ շատ սխալ կլիներ նման ձեւով մեկնաբանել պարոն Սվիտալսկու խոսքը: Նրանք մասնակցում են ֆինանսապես այս փուլում, ինչպես նաեւ Կառավարությունը, որ տեղադրվեն տեսախցիկները, ապահովվեն ուղիղ եթերները: Ինչ վերաբերում է խթանիչ, լրացուցիչ գումարին, դա գալու է միայն որպես բյուջեի աջակցություն»:

Հիշեցնենք, որ ՀՀ-ում ԵՄ ղեկավարը NEWS.am-ին տված հարցազրույցում մասնավորապես ասել էր. «Ավելի քան 1 մլն եվրո էլ Հայաստանի կառավարությանը կտրվի միայն ընտրություններից հետո։ Եվ մենք դա գաղտնի չենք պահում։ Վերջին տրանշի հատկացումը կախված կլինի նրանից, թե ինչպես կիրականացվեն ԸՕ–ի շուրջ համաձայնագրի դրույթները»:

Այս թեմայով Պուտինը հաղթում է Ռուսաստանի նախագահական ընտրություններում Ռուսաստանի ԿԸՀ-ն հայտնել է կիբերհարձակման հետմղման մասին Չինաստանում փակվել են Ռուսաստանի նախագահական ընտրությունների ընտրատեղամասերը Ուկրաինայում ռուսաստանցիներին թույլ չեն տալիս մասնակցել Ռուսաստանի նախագահի ընտրություններին Երեւանում ընտրատեղամաս է բացվել Ռուսաստանի նախագահական ընտրություններում քվեարկելու համար