Ագահ հայերը, տուրիզմը կամ ինչու են վատ ապրում հայաստանցիները

Հրաշք վանական համալիր է Սաղմոսավանքը: Շատերն են ցանկանում այնտեղ լինել, հանգստանալ: Այնտեղ սիրում են լինել ոչ միայն օտարերկրացիները, սփյուռքահայերը այլ նաեւ հայաստանցիները:

Սաղմոսավանքի մոտ է գտնվում Սաղմոսավան փոքրիկ գյուղը:Ունի մոտ 200-220 բնակիչ: Նրանք զբաղվում են գյուղատնտեսությամբ, բայց ոմանք նաեւ մխրճվել են զբոսաշրջության ոլորտ: Վանական համալիրի մոտ գտնվող տներում տաղավարներ են կառուցել նրանց համար, ովքեր կցանկանան մի կտոր հաց կիսել:

Նախկինում դրանք արժեին տասը հազար դրամ: Այսօր՝ հոկտեմբերի 6-ին տաղավարներից ցանկացան օգտվել դպրոցականներն իրենց ուսուցչի եւ ծնողների հետ: Նրանց հայտարարեցին, որ այսուհետ դրանք արժեն երեսուն հազար: Աշակերտները թողեցին եւ հեռացան դեպի Աշտարակի ձոր: 

Գյուղացիներին առաջարկում էին գոնե 15 հազար, բայց նրանք մեծամտաբար հրաժարվեցին, արդյունքում մնացին զրո դրամով: Հետո էլ ասում ենք ովքեր են հարամում, ովքեր են թանկացնում, ովքեր են մեղավոր: Մենք, միայն մենք:

Նրանք ասում են, թե բա այստեղ Լեւոն Արոնյանն է ամուսնացել: Պատկերացնո՞ւմ եք: Հիմա շատ ճիշտ կլինի, որ հարկային մարմինները այցելեն այդ ագահ գյուղացիներին, եւ խնդրեն հարկերը մուծել, քանի որ նրանք ակտիվ մխրճվել են բիզնեսի ոլորտ: Հասկանո՞ւմ եք, այս ցուրտ եղանակին աշակերտները ցանկացել են օգտվել տաղավարից, իսկ նրանցից երեսուն հազար դրամ են պահանջել:

Իսկ հետո նույն գյուղացիներն ասում են, թե մենք աղքատ ենք, շատ աղքատ: Իսկ ինչո՞ւ աղքատ չլինեք: Մի՞թե դուք արժանի եք լավ ապրուստի եւ կյանքի:

Top-News.am