Ընդդիմությունը կգտնի այլ ձևաչափ՝ պատերազմի պատճառներն ու հետևանքները քննելու համար
«Այս ձևաչափով պատերազմի հանգամանքները քննող հանձնաժողովի աշխատանքներն անարդյունավետ են, նախապես գծված սցենարով գործընթաց են սկսել: Այսպիսի կազմով հանձնաժողովից պարտության իրական պատճառները երբեք չենք իմանա։ Սա է պատճառը, որ ընդդիմությունը որոշեց այս թատրոնին մաս չկազմել»,-այս մասին 24News-ի հետ զրույցում նշեց ՀՅԴ Հայաստանի ԳՄ ներկայացուցիչ, Ազգային ժողովի փոխնախագահ Իշխան Սաղաթելյանը՝ անդրադառնալով 44-օրյա պատերազմի հանգամանքները քննող հանձնաժողովի աշխատանքներին չմասնակցելու ընդդիմության որոշմանը:
«Իշխանությունը հասարակությանը մոլորեցնելու համար պատերազմում արդեն նշանակած մեղավորներ ունի, բայց պատերազմի պատճառը, հետևանքները և այդ օրերին իշխանության դրսևորած գործողությունները քննության առարկա են: Մենք հայտարարում ենք, որ այդ ամենի բացահայտումը մեր օրակարգում է և գտնելու ենք այլընտրանքային ձևաչափ՝ իրական և օբյեկտիվ քննության համար», ավելացրեց նա:
Անդրադառնալով Նիկոլ Փաշինյանի այն հայտարարությանը, որ Հայ դատը երբեք ՀՀ-ի քաղաքականությունը չի եղել և Սփյուռքն է այս հարցում առավել ակտիվ գործել, Սաղաթելյանը նշեց, որ Դաշնակցության Հայ դատի գրասենյակների վերջին 15-20 տարվա հիմնական ուղղություններից մեկը եղել է նաև Արցախը, մեծ աշխատանք է իրականացվել այդ ուղղությամբ, Հայ դատը չի զբաղվել միայն Ցեղասպանության միջազգային ճանաչման հարցով, հետևաբար, Փաշինյանը չի հասկանում Հայ դատի գործունեությունը:
«Վերջին 20 տարում, այդ թվում՝ նաև Կառավարության ծրագրում Ցեղասպանության միջազգային ճանաչումը, ՀՀ-ի արտաքին քաղաքականության գերակա ուղղություններից մեկն է: Կառավարության հարցուպատասխանի ժամանակ Արծվիկ Մինասյանը հարցրեց՝ ծրագրում այսպես եք գրել, տե՞ր եք թե՞ ոչ, կրկին խուսափեցին պատասխանել, այսինքն՝ ծրագրում գրել են մի բան, անում են՝ մեկ այլ բան: Սփյուռքի մի անհասկանալի հանձնակատար ունեն, իր միջոցով հետևողականորեն պառակտում են Սփյուռքը: Հայաստանը պառակտեցին, ատելություն սերմանեցին, հիմա նույնը անում են Սփյուռքում, եթե թշնամին շատ ցանկանար չէր կարող այդպես անել:
«Հայ դատը Սփյուռքի գործն է» ասելով Փաշինյանը բավարարեց նաև Թուրքիայի նախապայմանը: Մենք ասում ենք՝ հայտարարեք՝ որոնք են ՀՀ-ի կարմիր գծերը հայ- թուրքական հարաբերություններում, եթե չեք հայտարարում, ուրեմն դուք ընդունել եք նախապայմանները»,-ընդգծեց Սաղաթելյանը:
Մանրամասները՝ տեսանյութում։
Դաշտ են դուրս գալիս ձեւիստները
Հայաստանի քաղաքացիները հայտնվել են ռուսական անձնագիր ստացողների թոփ-5-ում
Ում դրոշը պետք է երեւա սահմանի այն կողմում
Քաղաքապետարանի ավտոբուսների մասնակցությամբ ամեն 2-րդ վթարի մեղավորը ավտոբուսի վարորդներն են
Բեմ են դուրս գալիս «սոցիոլոգները»
Երևան-Մոսկվա չվերթի ինքնաթիռում ոչ ադեկվատ վիճակում գտնվող ուղևորը ձերբակալվել է
61 միլիոն եվրո․ Մբապեն դատարանում հաղթել է ՊՍԺ–ին
Քիմ Քարդաշյանին ծաղրել են SKIMS-ի գովազդում չափից դուրս նիհար Սանտա Կլաուսի պատճառով
ՍԱՏՄ-ն անհայտ ծագման միս է առգրավել ու ուղարկել ոչնչացման (տեսանյութ)
Հոգեբուժական փորձաքննությունը հաստատել է, որ Լարիսա Դոլինան վաճառել է բնակարանը հոգեկան անառողջ վիճա...