Ադրբեջանը զինվում է, Հայաստանը նստած սպասում է՝ Ռուսաստանից ի՞նչ զենք կուղարկեն.սա ողբերգություն է (տեսանյութ)

Շատ անմխիթար և ողբերգական վիճակ է, Հայաստանն իր անվտանգային հույսը դրել է Ռուսաստանի վրա, նստած սպասում են՝ Ռուսաստանից ի՞նչ զենք են ուղարկելու: Այս մասին «Փաստինֆո»-ի եթերում հայտարարել է ռազմական փորձագետ Վան Համբարձումյանը.

Փորձագետի արձանագրմամբ՝ բոլորը հասկանում են ԼՂ հակամարտության երկրորդ ռաունդ կա, իսկ Հայաստանը տարին գլորում է անիմաստ՝ առանց սպառազինություն ձեռք բերելու:

Վան Համբարձումյանը շեշտել է, որ Ադրբեջանն անցած տարի ահռելի քանակությամբ նոր սպառազինություն է ձեռք բերել, ընդ որում, ձեռք է բերել զենքեր, որոնցից երբեք չի ունեցել: «Ադրբեջանն 18 երկրից սպառազինություն է ձեռք բերել, նոր զորմաասեր բացել Արցախի օկուպացված շրջաններում, իսկ Հայաստանը սպասում է՝ թե Ռուսաստանն իր սպառազինությունից որպես բարեգործություն ի՞նչ է ուղարկելու: ՌԴ-ն իր Զինված ուժերին պատկանող սպառազնինության տարբեր տեսակներ երբեմն ուղարկում է Հայաստան, սա ադեկվատ չի, Հայաստանի և Ադրբեջանի սպառազինության բալանսը խախտվում է, եթե նորից պատերազմ լինի, այս բալանսը ջարդվելու է Հայաստանի գլխին »,-ասել է ռազմական փորձագետը և շեշտել, որ այս պահին բանակում գերկարևոր է դիպուկահարների առկայությունը, քանի որն 44-օրյա պատերազմում դիպուկահարները ստրատեգիական նշանակություն են ունեցել:

«Հայ դիպուկահարները զիջում են ադրբեջանցի դիպուկահարներին: Ադրբեջանի ԶՈՒ դիպուկահարները հատուկ տեխնոլոգիաներ են օգտագործում: Ալեն Սիմոնյանի նոր մեքենայի համար հատկացված 200.000 դրամով կարելի էր գոնե ամենավտանգավոր ուղղություննների վրա զինված դիպուկահարներ կանգնեցնել»,-ասաց Համբարձումյանը:

Բանախոսի արձանագրմամբ՝ ՊՆ-ում բացի կրճատումներից բացի ուրիշ ոչինչ չի տեղի ունենում

«Մարդիկ նույնիսկ սպառազինություն չեն արդիականացնում, ոչինչ չեն անում, վերազինում չեն անում, նստում, սպասում են՝ ի՞նչ կուղարկեն իրենց Մոսկվայից»,-ասաց Վան Համբարձումյանը: