Աշխարհի մեծահարուստների առաջատար եռյակը 4.5 մլրդ դոլարի կորուստ է գրանցել մի քանի ժամվա ընթացքում

Հյուսիսային Կորեայի հետ Դոնալդ Թրամփի վարած «բառերի պատերազմի» արդյունքում աշխարհի ամենահարուստ մարդկանց եռյակը 4.5 մլրդ դոլարի կորուստ է ունեցել. բաժնետոմսերը շարունակում են արժեզրկվել աճող քաղաքական լարվածության ֆոնին:

Ինչպես տեղեկացնում է The Independent-ը, Amazon-ի հիմնադիր Ջեֆ Բեզոսը, Microsoft-ի ղեկավար Բիլ Գեյթսը և Facebook-ի հիմնադիր Մարկ Ցուկերբերգը բաժնետոմսերի արժեզրկմանն են ականատես լինում, քանի որ ներդնողները նախընտրում են առավել կայուն ներդրումներ կատարել և ոսկի ձեռք բերել:

Եռյակից ամենամեծ կորուստը բաժին է հասել Բեզոսին, որն անցյալ շաբաթ դարձել էր աշխարհի ամենահարուստ մարդը: Առցանց վաճառքի հսկան ժամերի ընթացքում 2 մլրդ դոլարի կորուստ է ունեցել բաժնետոմսերի արժեզրկման պատճառով: