Փաշինյանը կա՛մ դիտմամբ հերթական հարվածն է հասցնում հայ-ռուսական հարաբերություններին, կա՛մ կորցրել է իրականության զգացողությունը․ Մինասյան

Սուրբ Աթոռում ՀՀ նախկին դեսպանը Միքայել Մինասյանը «Տելեգրամի» իր ալիքում գրառում է արել, որում ասվում է, որ Նիկոլ Փաշինյանը Վլադիմիր Պուտինին առաջարկել է հայ–ռուսական կարևոր հարցերը վերահսկող հանձնաժողով ստեղծել և այդ հանձնաժողովի ղեկավար է առաջարկել նշանակել տարածքային կառավարման և ենթակառուցվածքների նախարար Սուրեն Պապիկյանին։ Գրառման մեջ ասվում է․

«Նիկոլը երկար ժամանակ անհանգստացնում էր Պուտինին բարձր մակարդակի հայ-ռուսական հանձնաժողով ստեղծելու անհրաժեշտությամբ, որն իր վերահսկողության տակ կառներ Ռուսաստանի և Հայաստանի երկկողմ օրակարգի կարևոր հարցերը: Նրա շրջապատի խելացի և կիրթ անձանցից մեկը շշնջացել էր կապիտուլյանտի ականջին, որ նման հանձնաժողով («Չեռնոմիրդին-Գոր») գործել է ռուս-ամերիկյան օրակարգի հարցով: Հանձնաժողովը, որը կոչված էր հաղթահարելու ԱՄՆ-ի և Ռուսաստանի միջև Սառը պատերազմի ժառանգությունն ու բարդությունները, գլխավորել էին այն ժամանակ ԱՄՆ-ի փոխնախագահն ու ՌԴ վարչապետը: Նման հանձնաժողովի կարևորությունն այնքան մեծ է եղել, որ Օբամայի և Պուտինի օրոք, օրինակ, այն գլխավորել են Սերգեյ Լավրովն ու Հիլարի Քլինթոնը: Այսինքն՝ հանձնաժողովի ղեկավարների մակարդակն արտահայտում էր այդ ինստիտուտի կարևորության մակարդակը երկու կողմերի համար:

Եվ ահա Նիկոլը, կարծես թե, հասել է իր ուզածին: Պուտինը համաձայնել է նման հանձնաժողով ստեղծել՝ ընդգծելով, որ ռուսական կողմից հանձնաժողովը ղեկավարելու է Դմիտրի Մեդվեդևը: Մեդվեդևը Ռուսաստանի նախկին նախագահն ու վարչապետն է և ՌԴ Անվտանգության խորհրդի ներկա փոխնախագահը (որտեղ նա Պուտինի տեղակալն է), և նրա կերպարը տվյալ համատեքստում ընդգծում է հայ-ռուսական հարաբերություններին Ռուսաստանի մոտեցման լրջությունը: Ակնկալվում էր, որ հայկական կողմից ևս հանձնաժողովը կգլխավորի Մեդվեդևին համարժեք դեմք: Սակայն Նիկոլի պատասխանը «Ո՞վ կղեկավարի հանձնաժողովը հայկական կողմից» հարցին, ամենայն հավանականությամբ, տարակուսանքի մեջ է գցել Պուտինին: Նիկոլը տվել է Սուրեն Պապիկյանի անունը, և դա չափազանց խոսուն է:

Նիկոլին թվում է, իր բոլոր մարիոնետներից Պապիկյանն ամենահամապատասխան և ուժեղ բանագնացն է: Հնարավոր է, որ Փաշինյանի թիմում այդպես էլ կա, և Սուրեն Պապիկյանն իր մութ անցյալով, ներկայով և որ ամենակարևորն է, ապագայով, դանակահարության համար դատվածությամբ և ամեն ինչում Նիկոլին գոհացնելու պատրաստակամությամբ, իսկապես անփոխարինելի կադր է: Սակայն ո՞վ է Պապիկյանը, եթե նրան նայենք միջպետական հարաբերությունների մասշտաբով:

Հասկանալի չէ՝ ինչի է ուզում հասնել Նիկոլն իր այդ որոշմամբ: Կա՛մ նա միտումնավոր կերպով հերթական հարվածն է հասցնում հայ-ռուսական հարաբերություններին, կա՛մ հերթական անգամ կորցրել է իրականության զգացողությունն ու որոշել է իր սիրելի կադրին հավասարեցնել Մեդվեդևի հետ:

Պետք չէ փորձառու դիվանագետ լինել՝ հասկանալու համար, որ հայ-ռուսական հանձնաժողովը կամ կմեռնի՝ դեռ չծնված, կամ ռուսական կողմից դրա աշխատանքը կհամակարգի Մեդվեդևի օգնականը կամ ռեֆերենտը:

Ռազմատենչ հիմարությունն այն է, ինչին մենք արդեն սովորել ենք: Սակայն պետք է կատարյալ տխմար լինել նույն փոսը երկու անգամ ընկնելու համար: Ցավոք, հայ-ռուսական հարաբերությունների ճակատագրով հայկական կողմից հերթական անգամ զբաղվում են մարտնչող այլասերվածները»:

Այս թեմայով Գյումրին Նիկոլի սկիզբն էր, իսկ երեկ դարձավ նրա վերջի սկիզբը. Միքայել Մինասյան Զարգանում է հերթական ներկայացումը «Սահմանին խառնաշփոթի մեղավորն է ՀԱՊԿ-ը» խորագրով. Միքայել Մինասյան Ավարտվել է նոր հայտարարության փաստաթղթի ձևակերպման աշխատանքը. Միքայել Մինասյան «Ամեն օր, քանի դեռ Նիկոլն իշխանության է, ձեզանից մեկը կորցնելու է հայրենիքը». Մ. Մինասյան #Antinikol. Ո՞վ ենք մենք և ի՞նչ պետք է անենք. Միքայել Մինասյան