Զարգանում է հերթական ներկայացումը «Սահմանին խառնաշփոթի մեղավորն է ՀԱՊԿ-ը» խորագրով. Միքայել Մինասյան
Հենց հիմա զարգանում է հերթական ներկայացումը «Սահմանին խառնաշփոթի մեղավորն է ՀԱՊԿ-ը» խորագրով: Այդ մասին տելեգրամյան իր ալիքում գրել է Վատիկանում Հայաստանի նախկին դեսպան Միքայել Մինասյանը:
«Նիկոլը կերակրել է հանրությանը թեզն այն մասին, որ պարտության մեջ մեղավոր են նախկինները: Նրա աղանդի անդամները կուլ են տվել այդ միտքը, մյուսները՝ ոչ: Եւ ես դրանում զարմանալի ոչինչ չեմ տեսնում. մենք չափազանց հաճախ ենք եղել այն բանի ականատեսները, թե ինչպես են Նիկոլի կողմնակիցները ծափահարություններով ընդունել ամենաաբսուրդային արդարացումները:
Սակայն հենց հիմա զարգանում է հերթական ներկայացումը «Սահմանին խառնաշփոթի մեղավորն է ՀԱՊԿ-ը» խորագրով: Ցանկացած խելամիտ մարդու մոտ այդ գործողությունն առաջացնում է քմծիծաղ:
Նրանում, որ Հայաստանի սահմանը գծված չէ պատերազմից հետո 7 ամսվա ընթացքում, նախկիններին մեղադրել այլեւս հնարավոր չէ. նախկինները չեն ստորագրել կապիտուլյացիա, նախկինները չգիտեն, թե որ սահմաններն է Նիկոլը խոստացել Ալիեւին: Սահմանը պետք է կառուցեր Նիկոլը, եւ նա, պատասխանելով իր դաշինքը լքած պատգամավորի հարցին, ասել է, որ սահմանը ճիշտ է հարմարեցված եւ որ հանրությանը եւ պատգամավորին սահմանագծման գործընթացը չպետք է հայտնի լինի:
Երբ պարզվել է, որ սահմանը գծված չէ, իսկ ադրբեջանական զորքերը գտնվում են Հայաստանի սուվերեն տարածքում եւ սպանում հայ զինծառայողներին, Նիկոլը որոշել է մեղավոր ճանաչել ՀԱՊԿ-ին: Սակայն մենք բոլորս հիշում ենք, որ հենց Նիկոլն է դարձել Հայաստանի այն ղեկավարը, որն իր իշխանության ամենասկզբում վիրավորել է ՀԱՊԿ-ին՝ մեղադրանք առաջադրելով Յուրի Խաչատուրովին, որը զբաղեցնում էր այդ կազմակերպության Գլխավոր Քարտուղարի պաշտոնը: Հենց Նիկոլը թույլ չի տվել Ստանիսլավ Զասին զբաղեցնել ՀԱՊԿ Գլխավոր Քարտուղարի պաշտոնը մինչեւ Յուրի Խաչատուրովի լիազորությունների ժամկետի ավարտը:
Զարմանալի չէ, որ իր հանցավոր անգործությունն արդարացնելու համար Նիկոլը, ինչպես միշտ, հոգեկան հիվանդի դերն է ստանցնել: Այն զառանցանքի ժամանակ, որը նա այսօր ներկայացրել է, նա հայտարարել է, որ չի պատրաստվում ռազմական դրություն սահմանել: Նիկոլն ամիսներ շարունակ չի չեղարկել ռազմական դրությունը՝ հույս ունենալով լռեցնել ընդդիմադիրներին, իսկ այժմ, երբ ադրբեջանական զորքերը, գտնվելով Հայաստանի սուվերեն տարածքում, ամեն օր առաջ են գալիս եւ սպանում հայ զինծառայողներին, նա ռազմական դրություն չի պատրաստվում հայտարարել, սակայն այդ հարցը լուծել եւս ի վիճակի չէ: Ռազմական դրություն կհայտարարվի միայն այն ժամանակ, երբ Նիկոլը հասկանա, որ ընտրություններն իր համար շահավետ չեն եւ դրանք պետք է չեղարկել:
Այդ ամենը ծիծաղելի կլիներ, եթե մենք այդ կեղծիքի հետեւանքով չկորցնեինք Հայրենիքը: Դրա շուրջ կարելի էր ծիծաղել, եթե չլինեին մարդկային զոհեր եւ խեղված ճակատագրեր»:
Գյումրին Նիկոլի սկիզբն էր, իսկ երեկ դարձավ նրա վերջի սկիզբը. Միքայել Մինասյան
Ավարտվել է նոր հայտարարության փաստաթղթի ձևակերպման աշխատանքը. Միքայել Մինասյան
«Ամեն օր, քանի դեռ Նիկոլն իշխանության է, ձեզանից մեկը կորցնելու է հայրենիքը». Մ. Մինասյան
#Antinikol. Ո՞վ ենք մենք և ի՞նչ պետք է անենք. Միքայել Մինասյան
Երբ շատ շուտով ամբողջ քաղաքական դաշտը կսկսի մեղավորներ նշանակել, հարցրեք նրանց. «Իսկ ի՞նչ արեցիք, երբ իմացաք խոշտանգված հայրենակիցների մասին»
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Գեղարքունիքի մարզի գյուղերից մեկում 2 անչափահաս ծեծի են ենթարկել 38-ամյա տղամարդուն և նրա տղային
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Օդի որակի ինդեքսի միջինացված արժեքները նոյեմբերին եղել են զգայուն խմբերի համար անառողջ միջակայքում
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Բագրատ Սրբազանի խափանման միջոցը փոխելու միջնորդություն է ներկայացվել
Փաշիկ Ալավերդյան․ Սա ամենամեծ հարվածն է մեր պետությանը, հայկական ծանրամարտին
Վիեննայում կայացել է Արարատ Միրզոյանի հանդիպումը ԵԱՀԿ ԺՀՄԻԳ տնօրենի հետ (տեսանյութ)