նիկոլի սազանդար Վահագն Խաչատրյանը կամ երբ հատում են բարոյականության սահմանը
Բանակ վարկաբեկողը, նիկոլի հրահանգով կամ նիկոլի հաստ աղիքը մտնելու ճանապարհին բանակին պարտության համար մեղադրողը, առնվազն, բարոյականության հետ լուրջ խնդիրներ ունի: Հինգ հազար զինվորի արյան վրա կանգնել եւ հայտարարել, թե մենք բարձր պատրաստականության բանակ չենք ունեցել, նույնն է, որ վերցնես եւ ծնկի եկած համբուրես Ադրբեջանի դրոշը: Ոչ անհայտ Վահագն Խաչատրյանը հենց այդպես էլ վարվել է: Ըստ օդում կախված լուրերի, Վահագն Խաչատրյանը նման միմոսությամբ է զբաղվում ոչ անհայտ գործարար Խաչատուր Սուքիասյանի անմիջական հրահանգով:
Ստորության գագաթնակետն այն է, որ նույն Վահագն Խաչատրյանն առանց ամաչելու, առանց գետինը մտնելու բարբաջում է, թե բանակում դրական փոփոխություններ տեղի են ունեցել միայն 2018-ից: Իսկապես, մարդ ի՞նչ բարոյական անկման մեջ պետք է լինի, որ նման հայտարարություն անի: Ու եթե նրա պատվիրատուին եւ հենց իրեն թվում է, թե սա հենց այնպես մարսվելու է, ապա սխալվում են:
Բանակի ողնաշարը կոտրեցին հենց 2018-ից սկսված գործողությունների եւ որոշումների հետեւանքով: Սա ակնհայտ է եւ հիմա նիկոլին սազանդարություն անելով պնդել հակառակը, ապա նշանակում է առնվազն լինել անմեղսունակ:
Անբարոյականության, ստախոսության եւս մեկ օրինակ. նույն Վահագն Խաչատրյանն ասում է, թե Հայաստանը հնարավորություն է ունեցել դառնալ գազի արտահանման տրանզիտ երկիր, բայց իբր Ռոբերտ Քոչարյանն անձնական շահերից ելնելով խափանել է այդ ծրագիրը: Նման պնդում անողն առնվազն հավասարվում է ֆեյսբուքում նիկոլի գովքն անող տարեց կանանց լուսանկարով տգետ ֆեյքերին: Այստեղ այլ մեկնաբանություն անելն իսկապես անիմաստ է: Պարզապես Վահագն Խաչատրյանի այս ակտիվությունը ստիպում է հիշել, որ 2008թ. մարտի 1-ի իրադարձություններից հետո շատերը ձերբակալվեցին, կալանավորվեցին, դատվեցին, բայց նա անգամ չհարցաքննվեց: Այդ ի՞նչ ծառայություններ է մատուցել, որ նման արտոնյալ վիճակում է:
Ցավն այն է, որ այս մարդը նաեւ քաղաքապետ է եղել, իսկ ընդամենը երկու տարի առաջ որպես էքսպերտ ասում էր, թե Կարգին Հայկոն ամենալավ քաղաքապետն է լինելու:
Ուզում ենք Վահագն Խաչատրյանին հորդորել խոսել համառորեն պտտվող այն լուրերին, ըստ որի, իր բոսս Խաչատուր Սուքիասյանը գնել է բենզինի եւ դիզվառելիքի վաճառքով զբաղվող Ran oil ընկերությունը եւ արագ տեմպերով մենաշնորհ է հաստատում ոլորտում:
Ավելին, ասում են, որ նույն Սուքիասյանի պահանջով՝ ՊԵԿ-ն ու ԱԱԾ-ն ստուգումներով եւ տուգանքներով բառացիորեն տեռորի են ենթարկում վառելիքի վաճառքով զբաղվող մյուս ընկերություններին: Բացի այդ, Սուքիասյանը ցանկանում է մրցակից ընկերությունների բենզալցակայանների տարածքի սեփականատերերից ավելի թանկ գնով ձեռք բերել վարձակալման իրավունքը:
Վահագն Խաչատրյան, խոսիր սրա մասին: Իրոք, չի կարելի մի ամբողջ կյանք ապրել եւ ճերմակ մազերով ոտնատակ տալով թափված արյունը, բարոյականությունը, կատարել ինչ-որ մեկի, կամ ինչ-որ խմբակի պատվեր:
Վահրամ Գեւորգյան
Top-News.am
Աշխարհի ամենահայտնի Խորհրդարանական ծեծկռտուքները (ֆոտոշարք)
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանական պատվիրակությունը Դոհայում բանակցություններ է վարել Կատարի միջնորդների հետ
Հանրությանը մոլորեցնելու նպատակ ունեցող ապատեղեկատվություն
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում