Լապշինը սպառնալիքներ է ստացել Ադրբեջանից

Արցախ այցելելու համար Ադրբեջանում դատապարտված, սակայն ավելի ուշ ազատություն ստացած ռուս-իսրայելցի բլոգեր Ալեքսանդր Լապշինը, որը նախօրեին ժամանել է Հայաստան ու հայտնել մոտ երկու ամիս այստեղ մնալու մտադրության մասին, Երևան ժամանելու հենց առաջին օրը սպառնալիքներ է ստացել ադրբեջանական մամուլի միջոցով:

Ֆեյսբուքյան իր էջում Լապշինը տեղեկացրել է ադրբեջանական կայքերից մեկի զավեշտալի հրապարակման մասին, որում ադրբեջանցիները, ըստ բլոգերի, ակնհայտ «խանդել են» իրեն Հայաստանի ու հայերի հանդեպ իր ունեցած ջերմ վերաբերմունքի համար:

«Երեկ ամբողջ օրը դեպի Երևան երկար չվերթից հետո փորձեցի հանգստանալ: Պառկած եմ անկողնում, ինչ-որ ֆրանսիական կատակերգություն եմ նայում: Մեկ էլ հանկարծ ընկերներս ուղարկում են ադրբեջանական լրատվական կայքի հղում, որտեղ բառացիորեն գրված է. «Եթե Լապշինը չդադարեցնի իր սերը հայերի հանդեպ, մեր համբերությունը կպայթի»: Կատակ չեմ անում, այդ տխմարները հենց այդպես էլ գրել են»,- նշել է Լապշինը՝ տրամադրելով նաև ադրբեջանական կայքի զավեշտալի հրապարակման հղումը:

Նա տեղեկացրել է, որ այս բացահայտ սպառնալիքը նույնպես կկցվի իր՝ Ադրբեջանի դեմ հարուցած միջազգային գործին: 

«Նրանց համար քիչ էր, որ (Մարդու իրավունքների) եվրոպական դատարանը Ստրասբուրգում պատասխանատվության է ենթարկել իրենց իմ հանդեպ մահափորձի համար և շուտով գործընթաց կսկսվի ԱՄՆ-ում: Նրանց նաև քիչ է, որ երեկ Եվրոպայի խորհրդի խորհրդարանական վեհաժողովը խստորեն դատապարտել է Բաքվին բլոգեր Մեհման Հուսեյնովին հետապնդելու համար, և ինձ հաճելի է, որ ես թեկուզ չնչին լումա ունեցա այդ որոշման մեջ: Եվ նրանք դեռ բացեիբաց սպառնում են: Շնորհակալություն, ուղարկեցի փաստաբաններին, կկցեն գործին», - գրել է բլոգերը:

Այս թեմայով Ադրբեջանցիները պարբերաբար այցելում են Կապան՝ գնումներ կատարելու. Լապշին Ալիևն ունի մոտ 7 000 սպանված, կորցրել է զրահատեխնիկայի 80%-ը, ավիացիայի 90%-ը, բայց չի կարողացել հաղթել Արցախին. Լապշին Լապշինը՝ Հադրութից, Մարտունիից եւ Ջեբրայիլից ադրբեջանցիների ֆեյք տեսանյութերի մասին Լապշինն անդրադարձել է Արայիկ Հարությունյանի դեմ Ադրբեջանի ղեկավարության կողմից 15 հոդվածով քրեական գործ հարուցելու մասին ադրբեջանական կայքերից մեկի հոդվածին Իսրայելում ադրբեջանական համայնքում Թել-Ավիվ Յաֆֆայի հայկական եկեղեցու դեմ ծրագրված սադրանքի հրավերներ են տարածվում. Ալեքսանդր Լապշին (լուսանկար)