Կիևի սպառնալիքների պատճառով Պուտինի պաշտպանության համար անվտանգության լրացուցիչ միջոցառումներ են ձեռնարկվում
Ռուսաստանի ԱԳՆ խոսնակ Մարիա Զախարովան ճեպազրույցի ժամանակ ուկրաինացիներին և դիվանագիտական առաքելությունների անձնակազմերին կոչ է արել հեռանալ Կիևից՝ Մոսկվայի հնարավոր պատասխան հարձակման դեպքում: Նա ևս մեկ անգամ կրկնել է, որ հարկավոր է այս հայտարարություններին վերաբերվել ամենայն լրջությամբ:
Ավելի վաղ Զախարովան հայտնել էր, որ Մոսկվան նոտա է հղել Ռուսաստանում հավատարմագրված օտարերկրյա դիվանագիտական առաքելություններին և միջազգային կազմակերպությունների ներկայացուցչություններին՝ կոչ անելով Կիևից նախապես տարհանել իրենց անձնակազմերը։ Նա նշել էր, որ Ռուսաստանի զինված ուժերն անխուսափելիորեն կհարվածեն Կիևին, այդ թվում՝ որոշումների կայացման կենտրոններին, եթե Կիևը փորձի խափանել Հաղթանակի օրվա շքերթը:
Իր հերթին, Կրեմլի խոսնակը հայտնել է, որ Հաղթանակի օրվա շքերթի հետ կապված Կիևի սպառնալիքների պատճառով Ռուսաստանի նախագահի պաշտպանության համար անվտանգության լրացուցիչ միջոցառումներ են ձեռնարկվում: Դմիտրի Պեսկովը նաև հայտնել է, որ Հաղթանակի օրվա կապակցությամբ Ռուսաստանի հայտարարած հրադադարը կգործի մայիսի 8-ին և 9-ին: Նրա խոսքով՝ Մոսկվան չի արձագանքել մայիսի 6-ի գիշերը Կիևի հայտարարած «լռության ռեժիմին»:
Ռուսաստանի հայտարարած հրադադարի նախաշեմին նախագահ Վոլոդիմիր Զելենսկին հայտարարել է, որ ուկրաինացի զինվորականները Մոսկվայի գործողություններին կպատասխանեն հայելային կերպով:
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
ԵՔՀ 8-րդ գագաթնաժողովի բացման արարողությունը Երևանում. ուղիղ
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Միխայիլ Մուդրիկը հակադոպինգային կանոնները խախտելու համար որակազրկվել է 4 տարով
Բելգիայի դեսպանության բացման պաշտոնական արարողություն՝ Երևանում