Փաշինյանը կարծում էր՝ ինքը մեծագույն պետական գործիչ է. նրա հաշվարկները իրականության հետ որևէ աղերս չունեին. Ժիրայր Լիպարիտյան
Հայկական դիվանագիտության վետերան, Հայաստանի առաջին նախագահի խորհրդական Ժիրայր Լիպարիտյանը հարցազրույց է տվել BBC-ին` վերլուծելով Լեռնային Ղարաբաղի վերջին պատերազմը, դրան հաջորդած իրադարձություններն ու ԼՂ հարցում Հայաստանի իշխանությունների վարած քաղաքականությունը:
Անդրադառնալով Նիկոլ Փաշինյանի վարած քաղաքականությանը` Լիպարիտյանը նշել է.«Փաշինյանը կարծում էր, որ ինքը մեծագույն պետական գործիչ է, երբ ասում էր, որ ցանկացած որոշում պետք է ընդունելի լինի Ադրբեջանի, Լեռնային Ղարաբաղի և Հայաստանի ժողովուրդների համար: Նա կարծում էր, որ սա փայլուն միտք է, որը Ալիևը պետք է կրկնի և ընդունի, և եթե չկրկնի, ապա նա վատ առաջնորդ է: Բայց հարցն այն է, որ նա լուծում չէր առաջարկում: Ո՞ր որոշումը կընդունվեր երեք ժողովուրդների կողմից»,-ասել է դիվանագետը:
Լիպարիտյանն ընդգծել է, որ Փաշինյանը կարծում էր, որ ժողովրդավարական ճանապարհով ընտրված առաջնորդները կարող են ավելի ճկուն լինել:
«Նա ևս ընտրվել էր ժողովրդավարական ճանապարհով, ընտրվել էր ժողովրդի կողմից, սակայն պարզվեց՝ պակաս ճկուն է, քան իր նախորդները: Եվ մենք հիշում ենք Էլչիբեյին՝ Ադրբեջանի երկրորդ նախագահին, որն ավելի մեծ ազգայնական էր, քան Հեյդար Ալիևը: Ժողովրդավարությունը շատ քիչ ընդհանուր բաներ ունի ճկունության հետ:
Փաշինյանը կարծում էր նաև, որ միջազգային հանրությունը կպարգևատրի Հայաստանին ժողովրդավարության ճանապարհով շարժվելու համար և կփոխի իր դիրքորոշումը 7 շրջանների վերաբերյալ: Բայց այդպիսի փոխանակումները գոյություն ունեն միայն նրա աշխարհընկալման ՝ նրա երևակայության մեջ: Սրանք սխալ հաշվարկներ էին, միգուցե ոչ միտումնավոր սխալ, բայց դրանք իրականության հետ որևէ աղերս չունեին»,-ասել է դիվանագետը:
Գյումրի-Աշոցք և Գյումրի-Ջաջուռ ավտոճանապարհները փակ են բոլոր տեսակի տրանսպորտային միջոցների համար
Չորս հայ գերրիներ են վերադարձել Հայաստան
Ով ինչպես է սիրում Հայաստանը
94 տարեկանում մահացել է սպարապետ Վազգեն Սարգսյանի հայրը
Աշխատանքի հնարավորություն՝ ՊԵԿ հեռախոսազանգերի կենտրոնում
ՀՅԴ-ն որոշում ունի․ որ ուժի հետ դաշինք կկազմի
Իրանը չունի ԱՄՆ-ի և Իսրայելի հшրվածներից վնաuված միջnւկային օբյեկտները վերականգնելու ծրագրեր. Արաղչի
«Իմացել ենք լուրը, շատ ուրախ ենք». Վագիֆ Խաչատրյանի դուստրը անհամբեր սպասում է գերությունից ազատ արձ...
«Գոլդեն Ֆլորենս»-ի արտադրական գործունեությունը կասեցվել է
Ազատել եմ աշխատանքից ՊՆ այն աշխատակիցներին, որոնց զավակները այլ երկրի քաղաքացի են․ Պապիկյան