Ադրբեջանում վեց դավաճան են գտել

Ադրբեջանի ազգային անվտանգության ծառայությունը հայտարարել է, որ պետական դավաճանության և լրտեսության կասկածանքով 6 մարդու է ձերբակալել:

ԱԱԾ-ի այսօրվա հայտարարությունում ասված է, որ կասկածյալներից մեկը՝ Մուհթար Յաքուբովը ձերբակալվել է Ադրբեջանը լքելու պահին, երբ փորձել է երկրից հանել էլեկտրոնային տեսքով գաղտնի տեղեկատվություն: Այդ տեղեկությունները, ըստ ԱԱԾ-ի, Յաքուբովը հավաքել է «արտասահմանյան գաղտնի ծառայությունների պահանջով»:

Հաղորդագրության մեջ նշվում է, որ Յաքուբովից հետո ԱԱԾ-ն ձերբակալել է ևս 5 մարդու՝ Բաքվում և Ադրբեջանի այլ շրջաններում: Բոլորը կասկածվում են Ադրբեջանի զինված ուժերի և անվտանգության ծառայությունների վերաբերյալ գաղտնի տեղեկություններ հավաքելու մեջ:

Այս թեմայով Հայաստանի և Ադրբեջանի ԱԳ նախարարների հանդիպումը կկայանա փետրվարի 28-29-ը Բեռլինում. ԱԳՆ խոսնակ ԱՄՆ-ն «ձեռքերը լվացել է» Հայաստան-Ադրբեջան բանակցային գործընթացից. Արթուր Խաչատրյան Ալիևը պաշտոնական այցով ժամանել է Թուրքիա Ադրբեջանն ու Ղազախստանը համատեղ վարժանքներ կանցկացնեն «Ռոյթերզ». «Մոսկվան լարվածություն է բորբոքել հօգուտ Ադրբեջանի»