Ես մտադիր եմ կրկին մեկնել Արցախ, քանի որ տեսնում եմ, թե ինչպես է օրեցօր իրավիճակը խորանում. Միլոնով

ՌԴ Պետդումայի պատգամավոր Վիտալի Միլոնովն այսօր հրավիրված ասուլիսին հայտարարեց, որ մտադիր է կրկին մեկնել Արցախ, քանի որ տեսնում է, թե ինչպես է օրեցօր իրավիճակը խորանում:

Նա ընդգծել է, որ թուրքական եւ ադրբեջանական զինված ուժերի հարվածներն ընդլայնվում են արդեն դեպի Հայաստանի տարածք:
Միլոնովը ափսոսանք է հայտնել իր մի շարք գործընկերների դիրքորոշման կապակցությամբ, որոնք «խաչը հանելով՝ թաքցրել են այն դոլարների եւ թուրքական լիրաների արանքում», աչք են փակում հայ ժողովրդի ցեղասպանության վրա:

«Ես ամաչում եմ նման մարդկանց համար», - ասաց պատգամավորը:

Նա դիմել է ՌԴ քաղաքացիություն ունեցող ադրբեջանցիներին, որոնք սոցցանցերում սպառնալիքներ են ուղարկում իրեն՝ հիշեցնելով, որ ռուսական պաշտոնական իշխանությունները երբեք հանդես չեն եկել հակամարտության ուժային լուծման օգտին՝ Ի տարբերություն «իրենց (ադրբեջանցիներին) վաճառված մարմնավաճառների»։