Բելգիայի խորհրդարանի պատգամավորը ԼՂ-ում հրետակոծության տակ է ընկել. ՏԱՍՍ

Բելգիայի խորհրդարանի պատգամավորներից մեկը Լեռնային Ղարաբաղում Ադրբեջանի կողմից իրականացված հրետակոծության տակ է ընկել:

Այս մասին իր աղբյուրին հղումով հայտնում է ՏԱՍՍ գործակալությունը՝ հավելելով, որ պատգամավորը չի տուժել:

«Պատգամավորն իսկապես գտնվում է Արցախում, նա չի տուժել»,-գործակալության հետ զրույցում ասել է աղբյուրը:

Վերջինս, անվտանգության նկատառումներից ելնելով հրաժարվել է հրապարկել քաղաքական գործչի անունը:

Հիշեցնենք, որ սեպտեմբերի 27-ին Ադրբեջանի զինուժը լայնածավալ հարձակում է սկսել Արցախում՝ թիրախավորելով նաև խաղաղ բնակչությանը։

Ադրբեջանի զինված ուժերը թիրախավորել է նաև Արցախի և Հայաստանի Հանրապետության զինվորական և քաղաքացիական ենթակառուցվածքները, որի հետևանքով Գեղարքունիքում զոհվել է 2 քաղաքացիական անձ, Արցախում զոհվել է 40 քաղաքացիական անձ, վիրավորվել է 120 քաղաքացիական անձ։

Ադրբեջանական զինուժի հրետակոծության հետևանքով վիրավորվել են ինչպես արտասահմանյան, այնպես էլ տեղական լրատվամիջոցների լրագրողներ։