ԵՄ խորհրդի նիստին այսօր կքննարկվի իրավիճակի սրումը Ղարաբաղում
ԵՄ 27 անդամ երկրների արտգործնախարարները երկուշաբթի կայանալիք հանդիպմանը կքննարկեն Ռուսաստանի հետ հարաբերությունները` Ալեքսեյ Նավալնու հետ պատահած միջադեպի ֆոնին: ԵՄ բարձրաստիճան պաշտոնյան Բրյուսելում լրագրողներին հայտնել է, որ արտաքին գործերի նախարարները քաղաքական որոշում կկայացնեն պատժամիջոցներ կիրառել նրանց նկատմամբ, ով, ըստ նրանց, պատասխանատու է Նավալնու ենթադրյալ թունավորման համար, փոխանցում է ՏԱՍՍ-ը:
Նախարարները կքննարկեն նաեւ Լեռնային Ղարաբաղի հակամարտությունը` հաշվի առնելով Մոսկվայում կայացած Հայաստանի եւ Ադրբեջանի արտգործնախարարների հանդիպումը, որի արդյունքում մարդասիրական նպատակներով հրադադարի մասին համաձայնություն էր ձեռք բերվել:
Իրավիճակը Բելառուսում եւս կներառվի ԵՄ Խորհրդի օրակարգում: Եվրոպացի դիվանագետի խոսքով` նախարարները կքննարկեն պատժամիջոցների ընդլայնումը երկրի իշխանությունների, այդ թվում` նախագահ Ալեքսանդր Լուկաշենկոյի դեմ:
ԵՄ խորհրդի նիստը տեղի կունենա Լյուքսեմբուրգում` առաջին անգամ կորոնավիրուսի համավարակի բռնկումից ի վեր: Ընդ որում, լրագրողներին դեռ թույլ չի տրվում ներկա գտնվել արտգործնախարարների հանդիպմանը:
ՀՀ ԱԺ արտահերթ նստաշրջան - 02.07.2026
Վենեսուելայի երկինքը կարմրել է երկրաշարժից հետո (տեսանյութ)
Առաջին դասարանցիների առցանց ընդունելությունը՝ նոր կանոններ, նոր մարտահրավերներ
Ֆրանսիայում հրշեջները պայքարում են անտառային հրդեհների դեմ
Փողաբաժանությունը ինքնաբուխ չի․ դա համակարգված, վերևից ներքև իջնող մեխանիզմ է
ՆԳՆ քրեական ոստիկանները վնասազերծել են խոշոր չափերի համակարգչային հափշտակություններ իրականացնող խմբի
Թուրքիան բարձրացրել է Բոսֆորով և Դարդանելով տարանցման արժեքը
Հարավային Աֆրիկայում բողոքի ցույցեր են միգրանտների դեմ
Կասեցվել է «Օքսիջեն»-ի հացի թխման արտադրամասի գործունեությունը
Ռուսաստանը զանգվածային հարվածներ է հասցրել Կիևին․ բազմաթիվ զոհեր, վիրավորներ և անհետ կորածներ կան