Կանադան դադարեցրել է ռազմական արտադրանքի արտահանումը Թուրքիա
Կանադայի արտգործնախարարը հայտարարել է Թուրքիա ռազմական արտադրանքի արտահանման համար համապատասխան թույլտվությունների կասեցման մասին:
«Վերջին մի քանի օրվա ընթացքում որոշակի մեղադրանքներ են հնչել Լեռնային Ղարաբաղի ռազմական հակամարտությունում կանադական տեխնոլոգիաների օգտագործման վերաբերյալ:
Տեղեկանալով այս մեղադրանքների մասին՝ ես անմիջապես կարգադրեցի հետաքննություն անցկացնել դրանց վերաբերյալ: Կանադայի արտահանման վերահսկողության խիստ ռեժիմին համապատասխան եւ շարունակվող ռազմական գործողությունների պայմաններում ես կասեցրել եմ համապատասխան արտահանման թույլտվությունները Թուրքիա, որպեսզի ժամանակ տրամադրվի իրավիճակի հետագա գնահատմանը:
Կանադան նախկինի պես անհանգստացած է Լեռնային Ղարաբաղում շարունակվող հակամարտությամբ, որի հետեւանքով զոհեր կան քաղաքացիական բնակչության շրջանում:
Մենք կոչ ենք անում անհապաղ միջոցներ ձեռնարկել իրավիճակը կայունացնելու համար եւ հաստատում ենք, որ այս հակամարտության խաղաղ կարգավորումը այլընտրանք չունի»,- ասվում է Կանադայի արտաքին գործերի նախարար Ֆրանսուա-Ֆիլիպ Շամպանի հայտարարության մեջ:
Գյումրի-Աշոցք և Գյումրի-Ջաջուռ ավտոճանապարհները փակ են բոլոր տեսակի տրանսպորտային միջոցների համար
94 տարեկանում մահացել է սպարապետ Վազգեն Սարգսյանի հայրը
Չորս հայ գերրիներ են վերադարձել Հայաստան
Ով ինչպես է սիրում Հայաստանը
ՀՅԴ-ն որոշում ունի․ որ ուժի հետ դաշինք կկազմի
Իրանը չունի ԱՄՆ-ի և Իսրայելի հшրվածներից վնաuված միջnւկային օբյեկտները վերականգնելու ծրագրեր. Արաղչի
«Իմացել ենք լուրը, շատ ուրախ ենք». Վագիֆ Խաչատրյանի դուստրը անհամբեր սպասում է գերությունից ազատ արձ...
Հունվարի 1-ից սոցփաթեթի շահառուների համար հանվել է պարտադիր կանխարգելիչ բուժզննություն անցնելու պահա...
Լինդա Էուլջեքջյանը հայտնել է, որ ամուսնու ազատ արձակման մասին իմացել է նույն օրը
«Գոլդեն Ֆլորենս»-ի արտադրական գործունեությունը կասեցվել է