Պոմպեո. ԱՄՆ-ն ամուր է կանգնած Բելառուսի ժողովրդի կողքին
ԱՄՆ պետքարտուղար Մայք Պոմպեոն հայտարարել է, որ Միացյալ Նահանգները ամուր կանգնած է Բելառուսի ժողովրդի կողքին: Ընդ որում՝ Պոմպեոն նախագահի նախկին թեկնածու Սվետլանա Տիխանովսկայային չի անվանել երկրի օրինական նախագահ:
«Այո, մենք դեռ ամեն ինչի մասին չենք մտածել: Մենք դեռ աշխատում ենք այս գործընթացի վրա»,- ասել է պետքարտուղարը՝ պատասխանելով Fox News-ի այն հարցին, թե ԱՄՆ-ում խոսակցություն կա՞ Տիխանովսկայային օրինական նախագահ ճանաչելու մասին, հայտնում է «Ամերիկայի ձայնը»:
Պոմպեոն նշել է, որ ինքը ծանոթացել է Բելառուսի դեմ պատժամիջոցներին, որոնք սահմանել են Մեծ Բրիտանիան եւ Կանադան, բայց չի ասել, թե արդյոք ԱՄՆ-ը հետեւելու է նրանց օրինակին եւ երբ դա կարող է պատահել: «Մենք գործիքներ ենք փնտրում, որոնք առավելագույնս կարող են ապահովել այն արդյունքները, որին ձգտում են Բելառուսները ոչ միայն Մինսկում, այլ նաեւ ամբողջ երկրում»,- ասել է նա՝ պատասխանելով պատժամիջոցների մասին հարցին:
Պետքարտուղարի խոսքով՝ ԱՄՆ-ը պարզ հասկացրել է Ռուսաստանին, որ Բելառուսում ռազմական միջամտությունը չի ծառայելու ոչ մեկի շահերին: «Նման գործողությունները ոչ մեկի շահերից չեն բխում»,- ասել է Պոմպեոն: «Դա ոչ մի օգուտ չի բերի Ռուսաստանի ժողովրդին, չի օգնի Բելառուսի ժողովրդին, դա կբարդացնի հարաբերությունները տարածաշրջանի բոլոր երկրների միջեւ»: ԱՄՆ պետքարտուղարը Բելառուսի նկատմամբ Միացյալ Նահանգների դիրքորոշումը անվանել է «բավական միանշանակ»: «Մենք ակտիվորեն աջակցություն ենք ցուցաբերում»,- ասել է Պոմպեոն: - Մենք հայտարարել ենք, որ ընտրությունները կեղծվել են դրանց ավարտից մի քանի օր անց: Մենք դեմ էինք երդմնակալության արարողությանը: Մենք չենք կարծում, թե դա իմաստ ունի»:
Նա խոստացել է, որ ԱՄՆ-ը եւ ամերիկացի ժողովուրդը կաջակցեն Բելառուսի ժողովրդին իրենց ձգտումներում:
«Մենք գիտենք, թե ինչ է ուզում Բելառուսի ժողովուրդը: Մի նոր բան»,- ասել է Պոմպեոն: - Նրանք ազատություն են ուզում: Նրանք ուզում են շրջադարձ այլ ուղղությամբ, որը նախագահ Լուկաշենկոն չի տվել իրենց, եւ մենք պատրաստվում ենք նրանց կողքին լինել, որպեսզի փորձենք օգնել նրանց, աջակցել նրանց, օգտագործել մեր դիվանագիտական հնարավորությունները` նրանց հուշելու առաջ գնալու լավագույն ճանապարհը»:
Գյումրի-Աշոցք և Գյումրի-Ջաջուռ ավտոճանապարհները փակ են բոլոր տեսակի տրանսպորտային միջոցների համար
94 տարեկանում մահացել է սպարապետ Վազգեն Սարգսյանի հայրը
Չորս հայ գերրիներ են վերադարձել Հայաստան
Ով ինչպես է սիրում Հայաստանը
ՀՅԴ-ն որոշում ունի․ որ ուժի հետ դաշինք կկազմի
Իրանը չունի ԱՄՆ-ի և Իսրայելի հшրվածներից վնաuված միջnւկային օբյեկտները վերականգնելու ծրագրեր. Արաղչի
«Իմացել ենք լուրը, շատ ուրախ ենք». Վագիֆ Խաչատրյանի դուստրը անհամբեր սպասում է գերությունից ազատ արձ...
Հունվարի 1-ից սոցփաթեթի շահառուների համար հանվել է պարտադիր կանխարգելիչ բուժզննություն անցնելու պահա...
Լինդա Էուլջեքջյանը հայտնել է, որ ամուսնու ազատ արձակման մասին իմացել է նույն օրը
«Գոլդեն Ֆլորենս»-ի արտադրական գործունեությունը կասեցվել է