Հեծանիվով կամ խոշոր ուղեբեռով մետրո նստելու դեպքում ուղևորը պետք է երկրորդ ժետոնը գնի
Երևանի մետրոպոլիտենում ցուցանակներ են տեղադրվել, որոնք տեղեկացնում են, որ հեծանիվով մետրո նստելու դեպքում ուղևորը պետք է երկրորդ ժետոնը գնի: Ուղևորը հավելյալ 100 դրամ պետք է վճարի նաև սահմանված չափերից մեծ ուղեբեռի տեղափոխման դեպքում:
Երևանի մետրոպոլիտենի պետի տեղակալ Գևորգ Ավետիսյանի խոսքով՝ որպես այդպիսին փոփոխություն չի արվել: Ուղեբեռի տեղափոխման կարգում գրված հստակ չափերով մետրոպոլիտենի աշխատակիցները մինչ այս էլ 2-րդ ժետոն են պահանջել, բայց հեծանիվի մասով սա նորություն է:
«Սա միշտ էլ եղել է, նոր բան չի, ուղեբեռի տեղափոխման կարգ է սահմանված: Հեծանիվը նորություն է, բայց դա մենք նայում ենք որպես ուղեբեռ, մենք դա չենք նայում որպես հեծանիվ: Մեզ համար դա ուղեբեռ է, իսկ ուղեբեռի չափեր գոյություն ունեն, որոնցից ավելի լինելու դեպքում երկրորդ ժետոն պետք է վերցնեն: Մենք առաջնորդվում ենք սահմանված կարգով»,- ասաց Ավետիսյանը:
Մինչ հեծանիվների մասին ցուցանակները, այս մասին ուղևորներին բանավոր է ասվել: Հետագայում գործընթացն ավելի հեշտ դարձնելու համար մետրոյի բոլոր կայարաններում ցուցանակներ են փակցվել:
Նշենք, որ ըստ մետրոպոլիտենի ուղեբեռի տեղափոխման կարգի՝ եթե ուղեբեռի չափսերը մեծ են 60x40x20 սմ-ից, այսինքն` երկարության, լայնության և բարձրության չափերի հանրագումարը գերազանցում է 120 սմ-ը և 150-սմ-ից ավելի երկարություն ունեցող առարկա, ապա ուղևորը պետք է երկրորդ ժետոնը գնի:
Ավետիսյանի տեղեկացմամբ՝ արդեն 10 օր է ինչ տեղադրված են ցուցանակները, բայց ուղևորների կողմից բողոքներ չկան. «Հիմնականում ուղևորները վճարում են, ըմբռնումով են մոտենում»,- նշեց նա:
Մետրոպոլիտենի փոխտնօրենը նաև բացառում է, որ մետրոպոլիտենի այս քայլը ուղևորների թվի նվազման բերի:


















































Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
ՔԿ Աջափնյակ և Դավթաշեն վարչական շրջանների քննչական բաժինը նոր ղեկավար ունի
ՊԵԿ-ը պարզաբանում է տարածել (տեսանյութ)
Հաղթենք դիաբետը միասին
Ոչ սթափ ղեկին մի նստի՛ր (տեսանյութ)
Այո՛, դա պարտություն կլինի, անկասկած
Փաշինյանն ու Ալիևը Դուբլինում քննարկել են խաղաղության օրակարգն ու TRIPP-ի իրականացման ընթացքը․ նոր մ...
Թուրքիայում ռազմական ուղղաթիռի կործանման հետևանքով 4 զինծառայող է մահացել
Շախմատիստ Նարե Իսախանյանը դարձել է Եվրոպայի փոխչեմպիոն
ՌԴ-ն և Ուկրաինան համաձայնել են հետագա բանակցություններում ներգրավել եվրոպացիներին. Ջարեդ Քուշներ