Մինսկում ձերբակալել են «կանանց երթի» մասնակիցներին
Իրավապահները ձերբակալել են Մինսկի կենտրոնում չարտոնված բողոքի ակցիայի մասնակիցներին, ասել է մայրաքաղաքի ոստիկանության բաժնի պաշտոնական ներկայացուցիչ Նատալյա Գանուսեւիչը, հաղորդում է «Sputnik-Բելառուսը»:
Շաբաթ, սեպտեմբերի 11-ին, Բելառուսի մայրաքաղաքի կենտրոնում՝ Ազատության հրապարակում հարյուրավոր կանայք հավաքվել են մասնակցելու «կանանց երթ-ին: Հավաքի մեկնարկից որոշ ժամանակ անց ոստիկանության աշխատակիցները սկսել են բերման ենթարկել դրա մասնակիցներին:
«Մենք հաստատում ենք այսօր Մինսկում չարտոնված զանգվածային միջոցառման մասնակիցների ձերբակալման մասին տեղեկությունները: Նրանց թիվը հայտնի կդառնա ավելի ուշ»,- ասել է Գանուսեւիչը:
Նա ընդգծել է, որ «ոստիկանությունը բազմիցս զգուշացրել է հավաքվածներին, որ այս միջոցառումն անօրինական է»:
Բելառուսում բողոքի զանգվածային ցույցերը սկսվել են օգոստոսի 9-ին նախագահական ընտրություններից հետո, որոնցում հաղթել է Ալեքսանդր Լուկաշենկոն, ով հավաքել է ձայների ավելի քան 80%-ը: Ընդդիմության կողմնակիցները պնդում են, որ ընտրությունների արդյունքները կեղծվել են:
Գյումրի-Աշոցք և Գյումրի-Ջաջուռ ավտոճանապարհները փակ են բոլոր տեսակի տրանսպորտային միջոցների համար
94 տարեկանում մահացել է սպարապետ Վազգեն Սարգսյանի հայրը
Չորս հայ գերրիներ են վերադարձել Հայաստան
Ով ինչպես է սիրում Հայաստանը
ՀՅԴ-ն որոշում ունի․ որ ուժի հետ դաշինք կկազմի
Իրանը չունի ԱՄՆ-ի և Իսրայելի հшրվածներից վնաuված միջnւկային օբյեկտները վերականգնելու ծրագրեր. Արաղչի
Լինդա Էուլջեքջյանը հայտնել է, որ ամուսնու ազատ արձակման մասին իմացել է նույն օրը
«Իմացել ենք լուրը, շատ ուրախ ենք». Վագիֆ Խաչատրյանի դուստրը անհամբեր սպասում է գերությունից ազատ արձ...
Հունվարի 1-ից սոցփաթեթի շահառուների համար հանվել է պարտադիր կանխարգելիչ բուժզննություն անցնելու պահա...
«Գոլդեն Ֆլորենս»-ի արտադրական գործունեությունը կասեցվել է