Գինը թանկացնում են՝ առանց հիմնավորման. իրավապաշտպանները՝ ավտոկայանատեղիների թանկացման մասին
Սպառողների խորհրդատվություն կենտրոնի նախագահ Կարեն Չիլինգարյանը, այս լրագրողների հետ հանդիպմանն անդրադառնալով ավտոկայանատեղիների SMS հաղորդագրության միջոցով վճարի թանկացման և վճարահաշվարկային տերմինալների հետ կապված խնդիրներին, ասաց, որ գինը թանկացնում են՝ առանց հիմնավորման։
«Ինչո՞ւ Է 50 տոկոս թանկացվում, եթե այդպես գնա, կարող է նորից թանկացում լինի»,- ասաց նա՝ նշելով, որ ինքն ի սկզբանե դեմ էր ավտոկայանատեղիների համար վճարելու մոտեցմանը։ Ըստ նրա, պետք է մեքենաների համար մասնավոր հաստատությունները կայանատեղիներ սարքեն:
Վարորդների իրավունքների պաշտպան-փաստաբան Արտակ Խաչատրյանն էլ շեշտեց, որ իսկապես թանկացումը վարորդների իրավունքների խախտում է, քանի որ առանց հիմնավորելու է այն արվում և ծառայությունն էլ չի բարելավվում: Նա նաև նշեց, որ հայաստանյան օրենսդրությունը հնարավորություններ ստեղծում է քաղաքացիներին պաշտպանել իրենց իրավունքներն այն դեպքում, երբ նրանց համար հարմարավետությունը ապահովված չէ. եթե ոչ բոլոր տեղերում կան տերմինալներ, եթե հարմարություններ չկան վճարումներ կատարելու համար, քաղաքացին կարող է բողոքել, և իր բողոքը օրենսդրորեն կպաշտպանվի:
Բանախոսները նշեցին, որ հիմնավորումները, որ բջջային օպերատորներին միջնորդավճարներ պետք է տրամադրվի, ԱԱՀ-ն սպասարկման գնի մեջ պետք է ներառվի, սպառողին չպետք է հետաքրքրի, սպասարկում կատարողը պետք է իր ծախսերի մեջ տեղավորվի:
Կարեն Չիլինգարյանն այնուամենայնիվ հույս հայտնեց, որ Երևանի քաղաքապետարանը կորոշի չթանկացնել կայանատեղիների համար վճարումները, մի ընդհանուր վճար կսահմանի և՛ բջջային օպերատորներից, և՛ տերմինալներից օգտվողների համար, խնդիրը չի հասնի քաղաքացիների բողոքի ցույցներին:
Հիշեցնենք, որ Երևանի քաղաքապետարանն այսօր հաղորդագրություն էր տարածել, որում նշվում էր, որ քաղաքապետարան դիմել է բջջային կապի օպերատորներին՝ քննարկելու SMS–ով ավտոկայանատեղի վճարի գանձման ձևաչափում հնարավոր փոփոխությունները։


















































Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
ՔԿ Աջափնյակ և Դավթաշեն վարչական շրջանների քննչական բաժինը նոր ղեկավար ունի
ՊԵԿ-ը պարզաբանում է տարածել (տեսանյութ)
Հաղթենք դիաբետը միասին
Ոչ սթափ ղեկին մի նստի՛ր (տեսանյութ)
Այո՛, դա պարտություն կլինի, անկասկած
Փաշինյանն ու Ալիևը Դուբլինում քննարկել են խաղաղության օրակարգն ու TRIPP-ի իրականացման ընթացքը․ նոր մ...
Թուրքիայում ռազմական ուղղաթիռի կործանման հետևանքով 4 զինծառայող է մահացել
Շախմատիստ Նարե Իսախանյանը դարձել է Եվրոպայի փոխչեմպիոն
ՌԴ-ն և Ուկրաինան համաձայնել են հետագա բանակցություններում ներգրավել եվրոպացիներին. Ջարեդ Քուշներ