Իզմայլով. Շոկի ենթարկվեցի այն ամենից, ինչ տեսա Մոսկվայի Արարատում
Ռուսաստանի հավաքականի նախկին կիսապաշտպան Մարատ Իզմայլովը, որը 2017/18 մրցաշրջանը կսկսի Ռուսաստանի երկրորդ դիվիզիոնում Մոսկվայի «Արարատի» հետ, պատմել է, թե ինչպես է անցնում հարմարվելու գործընթացը նոր թիմում:
Իզմայլովը նաև խոսել է այն մասին, թե ինչպես ինքը տեղափոխվեց «Արարատ».
«Ամեն ինչ շատ պարզ է: Ես նախկինում ևս լավ գիտեի Վալերի Հովհաննիսյանին` ակումբի նախագահին: Նա զանգահարեց ինձ, խոսեցինք: Շատ արագ ընդհանուր լեզու գտանք, և ես համաձայնեցի օգնել երիտասարդ թիմին` իր առջև դրված խնդիրները կատարելու հարցում: Իսկ դրանք «Արարատում» բավականին բարձր էր:
Իմ կողմից գրեթե ոչ մի կասկած չի եղել: Երեք օր պահանջվեց թղթաբանական հարցերը կարգավորելու համար: Իսկ մենք իրար հասկացանք հենց առաջին իսկ զրույցից: Նախկինում ես դժվար էի պատկերացնում, թե ինչ է իրենից ներկայացնում երկրորդ լիգան` որտեղ են խաղում, ինչպես: Հետաքրքրվեցի այդ մասին, ինչպես նաև այն մասին, թե ինչ թիմ է հավաքվել, ինչ խնդիրներ ունի»,- ասել է Իզմայլովը «Чемпионат. com»-ին տված հարցազրույցում:
Իզմալովը նաև նշել է, որ հաճելիորեն զարմացած է եղել այն ամենից, ինչ տեսել է «Արարատում».
«Հաճելիորեն շոկի ենթարկվեցի այն ամենից, ինչ տեսա: Բոլորը շատ բարեսիրտ, ուրախ և հիանալի տղաներ են: Առաջին իսկ օրվանից ինձ իմ կոլեկտիվում եմ զգացել: Կարծես` վաղուց ես այս թիմում խաղալիս լինեմ: Ինձ ամեն ինչ շատ է դուրս գալիս»,- եզրափակել է իր խոսքը Իզմայլովը:
Հիշեցնենք` 34-ամյա ֆուտբոլիստի պայմանագիրն «Արարատի» հետ նախատեսված է 1 տարով:


















































Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
ՔԿ Աջափնյակ և Դավթաշեն վարչական շրջանների քննչական բաժինը նոր ղեկավար ունի
ՊԵԿ-ը պարզաբանում է տարածել (տեսանյութ)
Հաղթենք դիաբետը միասին
Ոչ սթափ ղեկին մի նստի՛ր (տեսանյութ)
Այո՛, դա պարտություն կլինի, անկասկած
Փաշինյանն ու Ալիևը Դուբլինում քննարկել են խաղաղության օրակարգն ու TRIPP-ի իրականացման ընթացքը․ նոր մ...
Թուրքիայում ռազմական ուղղաթիռի կործանման հետևանքով 4 զինծառայող է մահացել
Շախմատիստ Նարե Իսախանյանը դարձել է Եվրոպայի փոխչեմպիոն
ՌԴ-ն և Ուկրաինան համաձայնել են հետագա բանակցություններում ներգրավել եվրոպացիներին. Ջարեդ Քուշներ