Պուտինի հետ «ուղիղ գիծ» չի լինի

«Ուղիղ գիծ Վլադիմիր Պուտինի հետ» ավանդական ձեւաչափով այս տարի չի լինի, դրա որոշ տարրեր կավելացվեն դեկտեմբերին կայանալիք մեծ ասուլիսի ժամանակ: Այս մասին ՏԱՍՍ-ին տեղեկացրել է ՌԴ նախագահի մամուլի խոսնակ Դմիտրի Պեսկովը:

Նա շեշտել է, որ այս տարի ստեղծված պայմաններում նախագահը մշտական «ուղիղ գծի» մեջ է: Այս իրավիճակում, ըստ Պեսկովի, նման միջոցառում կազմակերպելն ավելորդություն կլիներ: 

Վերջին անգամ «ուղիղ գծով» ՌԴ նախագահը ռուսաստանցիների հետ շփվել է անցած տարվա հունիսին: Սկսած 2001 թվականից ՌԴ նախագահը «ուղիղ գծով» ամեն տարի շփվում է բնակչության հետ: Բացառություն են կազմել 2004 եւ 2012 թվականները: 

Top-News.am