Քանյե Ուեսթը Կենտուկի եւ Միսիսիպի նահանգներում որպես նախագահի թեկնածու գրանցվելու հայտ է ներկայացրել

Ամերիկացի հայտնի ռեփեր Քանյե Ուեսթը Կենտուկի եւ Միսիսիպի նահանգներում որպես նախագահի թեկնածու գրանցվելու հայտ է ներկայացրել, գրում է TMZ-ն: Կենտուկիում պետքարտուղարի գրասենյակը հայտնել է, որ Ուեսթն իր թեկնածության հայտը ներկայացրել է ուրբաթ օրը:

Ընտրական շտաբի ներկայացուցիչները նշել են, որ դեռ քննում են ռեփերի կողմից ներկայացված 19.000 ստորագրությունը` որոշելու համար` արդյոք նա կարող է գրանցվել քվեաթերթիկում, թե ոչ: Ընդ որում, դիմում գրանցելու համար անհրաժեշտ է ընդամենը 5000 ստորագրություն Կենտուկի նահանգի գրանցված ընտրողներից:

Ուեսթը դիմում է ներկայացրել նաեւ Միսիսիպիում որպես ԱՄՆ նախագահի թեկնածու գրանցվելու համար: Պետքարտուղարի գրասենյակը հայտնել է, որ դիմումի վերաբերյալ վերջնական որոշումը կկայացվի երեքշաբթի օրը:

Ռեփերն այժմ որպես ԱՄՆ նախագահի թեկնածու գրանցված է 10 նահանգում:

Քանյե Ուեսթը նախագահի պաշտոնին հավակնելու իր մտադրության մասին հայտարարել էր ամռանը:

Հուլիսին Քանյե Ուեսթը դիմում էր ներկայացրել ԱՄՆ նախագահի պաշտոնին Օկլահոմայի նահանգային ընտրական հանձնաժողովում առաջադրվելու համար եւ 35.000 ԱՄՆ դոլար գրանցման վճար էր վճարել: Դրանից հետո նա անցկացրել էր իր առաջին նախընտրական հանրահավաքը Հարավային Կարոլինայում:

Այս թեմայով Վիսկոնսին նահանգը մերժել է ԱՄՆ նախագահի թեկնածու գրանցվելու Քանյե Ուեսթի դիմումը Քանյե Ուեսթը Լուիզիանա նահանգում ԱՄՆ նախագահական ընտրություններին մասնակցելու հայտ է ներկայացրել Քանյե Ուեսթի նոր մարզակոշիկները վիրավորել են մահմեդականներին Քանյե Ուեսթը ձախողված է համարել նախագահական ընտրություններին իր մասնակցությունը ԱՄՆ նախագահի թեկնածու առաջադրվելու համար Քանյե Ուեսթի ներկայացրած անհրաժեշտ ստորագրությունների մի մասը նույն ձեռագիրն ունեն