Կինը սպանել է իր հինգ երեխաներին

Գերմանիայում մի կին սպանել է իր հինգ երեխաներին, ապա փորձել է, բայց անհաջող, ինքնասպան լինել:

27-ամյա կինը սպանել է 1, 2, 3, 6 եւ 8 տարեկան իր հինգ երեխաներին, որոնց մարմինները հայտնաբերվել են Զոլինգեն քաղաքի բնակարանում, հաղորդում է Bild-ը: Այնուհետեեւ նա փորձել է ինքնասպան լինել՝ Դյուսելդորֆում նետվելով գնացքի առջեւ: Սակայն նա ողջ է մնացել՝ ծանր վնասվածքներ ստանալով:

Հաղորդվում է, որ երեխաների տատիկը զանգահարել է ոստիկանություն եւ հայտնել, թե կինը խոստովանել է, որ սպանել է իր երեխաներին: Կնոջ 11-ամյա որդին չի տուժել: